ઈંગ્લેન્ડના કેપ્ટને પોતાના પેઈન્ટીંગનો ઓર્ડર નડિયાદના યુવકને આપ્યો
સોનાની વરખ અને ડાયમંડનો પણ ઉપયોગ કરી નડિયાદના આર્ટીસ્ટ સતીષ પાટીલે માસ્ટર બ્લાસ્ટર સચિન તેન્ડુલરનું આબેહૂબ પેન્ટીંગ બનાવ્યું હતું
નડિયાદ, નડિયાદના આર્ટીસ્ટ સતિષ પાટીલે સચિન તેન્ડુલકરનું પેન્ટીંગ બનાવીને વડોદરા ખાતે આપ્યું હતું જેની અંદર સોનાની વરખ અને ડાયમંડનો પણ ઉપયોગ કર્યો હતો જે જોઈને ઈંગ્લેન્ડના કેપ્ટન મોર્ગને ૧૦૦૦ પાઉન્ડમાં પોતાનું પેન્ટીંગ બનાવવા માટેનો ઓર્ડર આપ્યો છે.
નડિયાદના ખ્યાતનામ આર્ટીસ્ટ સતીષ પાટીલે ક્રિકેટના ભગવાન કહેવાતા માસ્ટર બ્લાસ્ટર સચિન તેન્ડુલરનું આબેહૂબ પેન્ટીંગ બનાવ્યું હતું જેની અંદર સોનાની વરખ અને ડાયમંડનો પણ ઉપયોગ કર્યો હતો.
બરોડામાં રમાતી લેજેન્ટસ લીગ ક્રિકેટમાં આવેલા સચિન તેન્ડુલકરને હોટલ તાજમાં સતીષભાઈએ બનાવેલું પેઈન્ટીંગ સચિનને ગિફટમાં આપ્યું હતું. આ પેઈન્ટીંગ જોઈ સચિને સતીષભાઈના ખૂબ વખાણ કર્યા હતા અને સતીષભાઈએ આગળ બનાવેલ પેઈન્ટીંગની ફાઈલ જોઈ અભિનંદન આપ્યા હતા.
