અર્જુન બિજલાની ઘણા દિવસ બાદ ઘરે આવ્યો
મુંબઈ: ક્વોરન્ટિન પીરિયડ પૂરો થયા બાદ સ્ટંટ રિયાલિટી શો ખતરો કે ખિલાડી ૧૧નો કન્ટેસ્ટન્ટ અર્જુન બિજલાની આખરે ઘરે પરત આવ્યો છે. ૪૫ કરતાં વધુ દિવસ બાદ અર્જુન બિજલાની ઘરે જતાં પત્ની નેહા સ્વામી અને દીકરા અયાન દ્વારા તેનું શાનદાર રીતે સ્વાગત કરવામાં આવ્યું હતું. એક્ટરને સ્પેશિયલ ફીલ કરાવવા માટે ગોલ્ડન કલરના બલૂનથી વેલકમ પાપા લખવામાં આવ્યું હતું. આ સિવાય ગોલ્ડન અને બ્લેક બલૂન પણ છત પર લગાવવામાં આવ્યા હતા.
બલૂન પર અર્જુને પત્ની નેહા તેમજ દીકરા સાથે પસાર કરેલી કેટલીક ખાસ ક્ષણોની તસવીરો પણ લગાવવામાં આવી હતી. નેહા સ્વામીએ ઈન્સ્ટાગ્રામ સ્ટોરીમાં વેલકમ ડેકોરેશનની ઝલક દેખાડી છે. જેમાં ડેકોરેશન જાેતાની સાથે જ પહેલી નજરે ગમી જાય તેવું છે. આ સાથે નેહાએ અર્જુન બિજલાનીએ લખ્યું છે કે, ‘આખરે તે ઘરે આવી ગયો છે. ઉલ્લેખનીય છે કે, અર્જુન બિજલાની ૨૩મી જૂને અડધી રાતે ખતરો કે ખિલાડી ૧૧ના કન્ટેસ્ટન્ટ્સ સાથે કેપટાઉનથી મુંબઈ આવ્યો હતો. એક્ટર અન્યની સાથે એક અઠવાડિયા સુધી નિયમ પ્રમાણે હોટેલમાં ક્વોરન્ટિન થયો હતો. અર્જુન બિજલાની ખતરો કે ખિલાડી ૧૧માં જાેવા મળવાનો છે.
જેનું શૂટિંગ સાઉથ આફ્રિકાના કેપટાઉનમાં થયું છે. આ સીઝનનો હોસ્ટ પણ ફિલ્મમેકર રોહિત શેટ્ટી છે. અર્જુન બિજલાનીએ હાલમાં જ તેના ઈન્સ્ટાગ્રામ અકાઉન્ટ પર શોનો પ્રોમો શેર કરીને તેની જર્નીની ઝલક દેખાડી હતી. સામે આવેલા પ્રોમોમાં અર્જુન બિજલાની ઊંચાઈ પર જાેવા મળ્યો હતો. પ્રોમો પ્રમાણે, અર્જુન બિજલાનીને એક સ્ટંટ આપવામાં આવ્યો છે જેમાં તે મેટલના એક બ્રિજ પર ઉભો છે,
જેમાંથી કરંટ પસાર થઈ રહ્યો છે અને તે કરંટની વચ્ચે તેણે બ્રિજ પર લટકેલા ફ્લેગ્સ એકઠાં કરવાના છે. વારંવાર કરંટ લાગતા અર્જુન બિજલાનીના હાલત ખરાબ થઈ જાય છે અને તે ચીસો પાડવા લાગે છે. બાદમાં તે હવા હવાઈ સોન્ગ ગાઈ છે અને પાછળથી તેને ટિ્વસ્ટ આપે છે. તે રોહિત શેટ્ટી, કે જે શોનો હોસ્ટ છે તેને કહે છે કે મારું બાર્બેક્યૂ થઈ રહ્યું છે સર. તો રોહિત શેટ્ટી કહે છે વીજળીના ઝટકાએ તેને યાદ અપાવી દીધી નાની, આ છે અર્જુન બિજલાની. કેકેકે ૧૧ના કન્ટેસ્ટન્ટની વાત કરીએ તો, તેમાં અર્જુન બિજલાની, દિવ્યાંકા ત્રિપાઠી, મહેક ચહલ, શ્વેતા તિવારી, આસ્થા ગિલ, સના મકબૂલ, વરુણ સૂદ, અભિનવ શુુક્લા, વિશાલ આદિત્ય સિંહ, રાહુલ વૈદ્ય, સૌરભ રાજ જૈનનો સમાવેશ થાય છે.
