જ્યોતિરાદીત્ય સિંધિયા અને સ્મૃૃતિ ઇરાનીને મહત્વની જવાબદારી મળી
નવીદિલ્હી: વડાપ્રધાન નરેન્દ્ર મોદીએ કેબિનેટમાં આ ફેરફાર પછી હવે કેબિનેટ સમિતિમાં પણ મહત્વના ફેરફાર કરવામાં આવ્યા છે. યુવા નેતાઓ કે જેઓને મંત્રીમંડળમાં શામેલ કરવામાં આવ્યા છે અથવા પ્રમોશન આપવામાં આવ્યું છે, તેઓને હવે કેબિનેટ સમિતિઓમાં પણ સ્થાન આપવામાં આવ્યું છે. જેમાં મુખ્યત્વે મનસુખ માંડવીયા, સર્બાનંદ સોનોવાલ અને ભૂપેન્દ્ર યાદવ શામેલ છે.
પર્યાવરણ અને શ્રમ મંત્રાલય સંભાળી રહેલા ભૂપેન્દ્ર યાદવને રાજકીય બાબતોની કેબિનેટ સમિતિમાં સ્થાન આપવામાં આવ્યું છે. આ સાથે બંદર પ્રધાન સર્વાનંદ સોનોવાલ, મનસુખ માંડવીયા, ગિરીરાજ સિંઘને પણ આ સમિતિમાં સ્થાન મળ્યું છે. સમિતિમાં કેન્દ્રીય મહિલા અને બાળ વિકાસ પ્રધાન સ્મૃતિ ઈરાનીને પણ શામેલ કરવામાં આવી હતી. કોંગ્રેસ છોડીને ભાજપમાં જાેડાયેલા જ્યોતિરાદિત્ય સિંધિયાને પણ રોકાણ અને વૃદ્ધિ સમિતિમાં સ્થાન આપવામાં આવ્યું છે. આ સાથે નારાયણ રાણે, અશ્વિની વૈષ્ણવ, કિરણ રિજિજુ, અનુરાગ ઠાકુરને પણ મહત્વની સમિતિમાં સામેલ કરવામાં આવ્યા છે.
રવિશંકર પ્રસાદ, પ્રકાશ જાવડેકર જેવા મોટા નેતાઓ ફક્ત મોદી કેબિનેટની બહાર જ રહ્યા નથી, પરંતુ આ સમિતિઓમાંથી બહાર પણ થયા છે, ત્યારબાદ તેમની જગ્યાએ નવા મંત્રીઓનો સમાવેશ કરવામાં આવ્યા છે. સંસદીય બાબતોની સમિતિમાં અર્જુન મુંડા, વિરેન્દ્ર કુમાર, કિરન રિજિજુ, અનુરાગ ઠાકુરનો સમાવેશ કરવામાં આવ્યો છે. જ્યારે આ સમિતિના અધ્યક્ષ રાજનાથ સિંહ છે. તે જ સમયે, રાજકીય બાબતોથી સંબંધિત સમિતિમાં સ્મૃતિ ઈરાની, સર્વાનંદ સોનોવાલ, ગિરિરાજ સિંહ, મનસુખ માંડવીયા, ભૂપેન્દ્રસિંહને સ્થાન મળ્યું છે અને આ સમિતિના અધ્યક્ષ ખુદ વડાપ્રધાન નરેન્દ્ર મોદી છે.
ઇન્વેસ્ટમેન્ટ એન્ડ ગ્રોથ કમિટી વિશે વાત કરીએ તો નારાયણ રાણે, જ્યોતિરાદિત્ય સિંધિયા, અશ્વિની વૈષ્ણવને તેમાં સ્થાન મળ્યું છે અને આ સમિતિના અધ્યક્ષ પીએમ મોદી છે. વડા પ્રધાન મોદી રોજગાર અને કુશળતાને લગતી મહત્વપૂર્ણ સમિતિના અધ્યક્ષ પણ છે અને આ સમિતિમાં ધર્મેન્દ્ર પ્રધાન, ભૂપેન્દ્ર યાદવ, હરદીપ પુરી, આરસીપી સિંહ, અશ્વિની વૈષ્ણવને સ્થાન મળ્યું છે. જાે કે નિમણૂંક અને સુરક્ષા સંબંધિત કમિટીમાં કોઈ ફેરફાર કરવામાં આવ્યો નથી.
