ધોલેરા SIRના યોજાનારા ઓનલાઈન સેશનમાં મુખ્યમંત્રી સહભાગી થશે
ગાંધીનગર, મુખ્યમંત્રી ભુપેન્દ્ર પટેલ દુબઈ એકસ્પો-2020માં ઈન્ડીયા પેવેલિયન ખાતે આજે બપોરે ધોલેરા એસઆઈઆરના યોજાનારા સ્પેશ્યલ સેશનમાં વિડીયો કોન્ફરન્સથી સહભાગી થશે. CM of Gujarat Bhupendra Patel will deliver the keynote address “#VibrantGujarat, #InfiniteGujarat” at the @expo2020dubai session “Setting New Benchmarks for Industrial Smart City“ on 6th October, 2021
સેટીંગ ન્યુ બેંચ માર્કસ ફોર ઈન્ડસ્ટ્રીયલ સ્માર્ટ સીટી- ધોલેરા ઈન્ડસ્ટ્રીયલ સિટીની વિષયવસ્તુ સાથે આયોજીત આ સત્રમાં મુખ્યમંત્રી આ ગ્રીનફીલ્ડ ઈન્ડસ્ટ્રીયલ સિટી ધોલેરા એસઆઈઆરની વિશેષતાઓની પ્રભાવક પ્રસ્તુતી કરશે.
મુખ્યમંત્રીને આ સત્રમાં કિ-નોટ એડ્રેસ માટે ખાસ નિમંત્રણ પાઠવવામાં આવ્યું છે. દુબઈ એકસ્પો-2020માં ધોલેરા પાયોનિયરીંગ સ્માર્ટ ઈન્ડસ્ટ્રીયલ ડેવલપમેન્ટ ઈન ઈન્ડીયા સેશનનો પ્રારંભ ભારતીય સમય અનુસાર બપોરે 4 કલાકે થવાનો છે.
મુખ્યમંત્રી ભુપેન્દ્ર પટેલ સાથે આ સત્રમાં ભારતના દુબઈ ખાતેના કોુસ્યુલ જનરલ શ્રી અમન પુરી, એરપોર્ટ ઓથોરીટી ઓફ ઈન્ડીયાના ચેરમેન સંજીવકુમાર, શરાફ ગ્રુપના વાઈસ ચેરમેન શરાકૂદીન શરાફ પણ વર્ચ્યુઅલ તેમજ પ્રત્યક્ષ ઉપસ્થિતિથી જોડાશે.
