વિરાટની દીકરીના બળાત્કારની ધમકી આપનાર આઈ.આઈ.ટી ગ્રેજ્યુએટ નીકળ્યો
મુંબઇ, મુંબઈ પોલીસે ટિ્વટર પર વિરાટ કોહલીની ૧૦ મહિનાની બાળકી પર બળાત્કાર કરવાની ધમકી આપનાર વ્યક્તિને શોધી કાઢ્યો છે. યુવકે આઈઆઈટીમાંથી અભ્યાસ કર્યો છે અને તે હૈદરાબાદમાં રહે છે.
રિપોર્ટ્સમાં કહેવામાં આવ્યું છે કે ધરપકડ કરાયેલા આ ૨૩ વર્ષીય યુવકનું નામ રામનાગેશ અકુબાટિની છે. તે તાજેતરમાં સુધી ફૂડ ડિલિવરી એપ માટે કામ કરતો હતો અને હવે તે બેરોજગાર છે. તેણે નકલી નામથી ટિ્વટર પર એકાઉન્ટ બનાવ્યું હતું જ્યાંથી તેણે બળાત્કારની ધમકી આપી હતી.
મામલો ૨૪ ઓક્ટોબરનો છે જ્યારે દુબઈમાં આયોજિત ટી ૨૦ ક્રિકેટ ટૂર્નામેન્ટમાં ભારતીય ટીમ પાકિસ્તાનની ટીમ સામે મેચમાં હારી ગઈ હતી. હાર બાદ ઘણા લોકોએ ભારતીય ટીમની ટીકા કરી હતી. ટીમના એકમાત્ર મુસ્લિમ ખેલાડી મોહમ્મદ શમી વિરુદ્ધ ખાસ કરીને તેના ધર્મને નિશાન બનાવીને નફરતની ટિપ્પણી કરવામાં આવી હતી.
જ્યારે ટીમના કેપ્ટન વિરાટ કોહલીએ શમીના બચાવમાં નિવેદન આપ્યું ત્યારે તેને આ નફરતનો નિશાન બનાવવામાં આવ્યો. એ જ ક્રમમાં, @criccrazygirl નામના એકાઉન્ટને કોહલીની ૧૦ મહિનાની પુત્રી પર બળાત્કારની ધમકી આપવામાં આવી હતી. કોહલીના મેનેજરે આ ટ્વીટ વિરુદ્ધ મુંબઈ પોલીસમાં ફરિયાદ નોંધાવી હતી, ત્યારબાદ પોલીસે હૈદરાબાદમાંથી રામનાગેશ અકુબાતિનીને શોધી કાઢ્યો હતો.
ડેપ્યુટી કમિશનર રશ્મિ કરંદીકરે પત્રકારોને જણાવ્યું હતું કે તેણે આવી ટિપ્પણી શા માટે કરી તે જાણવા માટે મુંબઈમાં તેની પૂછપરછ કરવામાં આવશે. મુંબઈ સાયબર પોલીસના અન્ય એક અધિકારીએ ઈન્ડિયન એક્સપ્રેસ અખબારને જણાવ્યું કે આરોપીએ ઈન્ટરનેટ પર પોતાની ઓળખ છુપાવવા માટે ઘણા નકલી નામોનો ઉપયોગ કર્યો હતો.
આ પહેલા ફેક ન્યૂઝના મામલાની તપાસ કરતી વેબસાઈટ છઙ્મં દ્ગીુજએ દાવો કર્યો હતો કે તેની તપાસમાં જાણવા મળ્યું છે કે આ ટિ્વટર હેન્ડલ પાકિસ્તાની હેન્ડલ હોવાનો દાવો કરે છે પરંતુ વાસ્તવમાં તેને ચલાવનાર વ્યક્તિ ભારતીય છે અને હૈદરાબાદમાં રહે છે.HS
