તાપસી પન્નુ અને ફોટોગ્રાફર્સ વચ્ચે થઈ ગઈ તૂતૂ-મેંમેં
મુંબઈ, ફિલ્મ ઈવેન્ટ હોય, જીમ હોય કે પછી રેસ્ટોરાં, બોલિવૂડ સ્ટાર્સ જ્યાં પણ જાય છે ત્યાં ફોટોગ્રાફર્સ તેમની રાહ જાેતા હોય છે. તેઓ ઘણી વાર ઉભા રહીને ફોટોગ્રાફર્સ સાથે વાતચીત પણ કરતા હોય છે, પરંતુ ઉતાવળ હોય તો એક મિનિટ પણ રોકાયા વિના નીકળી જતા હોય છે.
અભિનેત્રી તાપસી પન્નુ અત્યારે પોતાની અપકમિંગ ફિલ્મ દોબારાના પ્રમોશનમાં વ્યસ્ત છે, ત્યારે એક ઈવેન્ટ પહેલા તેની ફોટોગ્રાફર્સ સાથે બોલાચાલી થઈ ગઈ હતી. તાપસી પન્નુની ફિલ્મ ૮ ઓગસ્ટના રોજ રીલિઝ થવાની છે, જેના પ્રમોશન માટે તે મીઠીબાઈ કોલેજ પહોંચી હતી. અહીં ફોટોગ્રાફર્સ લાંબા સમયથી તેની રાહ જાેઈ રહ્યા હતા. તાપસી પન્નુ વેન્યુ પર પહોંચી તો તે ફટાફટ અંદર જવા લાગી.
પાપારાઝીએ અવાજ દઈને તેને રોકવાનો અને બોલાવવાનો પ્રયત્ન કર્યો, જેથી તે તેના ફોટોસ ક્લિક કરી શકે. પરંતુ તાપસી પન્નુ રોકાઈ નહીં. આ જાેઈને ફોટોગ્રાફર્સ કહેવા લાગ્યા કે, મેમ તમે મોડા આવ્યા અમે તમારી રાહ જાેઈ રહ્યા છીએ. અમે તમારા માટે તો કલાકોથી અહીં ઉભા છીએ, વગેરે. આ સાંભળીને તાપરી પન્નુ રોષે ભરાઈ હતી. આ વીડિયો પણ સોશિયલ મીડિયા પર સામે આવ્યો છે.
તાપસી કહે છે કે, હું કેમ નથી રોકાઈ રહી? કારણકે હું અંદર જઈ રહી છું, મને મોડું થઈ રહ્યું છે. પાપારાઝી તેને જવાબ આપે છે કે, અમને સાડા ચાર વાગ્યાથી બોલાવવામાં આવ્યા છે. તાપસી તેમને કહે છે, તમે મને ધમકાવી કેમ રહ્યા છો, આમાં મારો શું વાંક છે.
હું મારું કામ કરી રહી છું. મને જે સમય આપવામાં આવ્યો ત્યારે હું અહીં પહોંચી છુ. મને જે કહેવામાં આવ્યું છે તે હું કરી રહી છુ. તમે મારી સાથે સરખી રીતે વાત કરો. હું જે સમય આપવામાં આવ્યો હોય છે દરેક જગ્યાએ તે જ સમય પર પહોંચુ છું. તમે સારી રીતે વાત કરશો તો હું પણ કરીશ.
કેમેરા મારા પર છે તો મારી સાઈડ દેખાઈ રહી છે. એક વાર કેમેરા તમારી તરફ હોતો તો ખબર પડતી કે તમે કેવી રીતે વાત કરી રહ્યા છો. આ દરમિયાન અમુક ફોટોગ્રાફર્સ વાતને શાંત કરવાનો પ્રયત્ન કરે છે. તાપસી ફોટોગ્રાફર્સને કહે છે કે, હું તમારી વાત નથી કરતી, આમની વાત કરુ છું. બાકીના ફોટોગ્રાફર્સ તેનો પક્ષ લેવાનો પ્રયત્ન કરે છે.
આખરે તાપસી હાથ જાેડીને કહે છે કે, તમે જ હંમેશા સાચા હોવ છો, અને એક્ટર હંમેશા ખોટા હોય છે. ત્યારપછી તે પોઝ આપીને ફટાફટ અંદર જતી રહે છે. તાપસી પન્નુનો આ વીડિયો સોશિયલ મીડિયા પર વાયરલ થઈ રહ્યો છે. અમુક લોકો તાપસીનો પક્ષ લઈ રહ્યા છે જ્યારે અમુક લોકો ફોટોગ્રાફર્સના પક્ષમાં છે.
તાપસીએ આ પ્રકારનો વ્યવહાર મીડિયા સાથે પહેલા ક્યારેય નથી કર્યો. જાે તેની ફિલ્મની વાત કરવામાં આવે તો, દોબારા ૧૯મી ઓગસ્ટના રોજ સિનેમાઘરોમાં રીલિઝ થશે. આ સ્પેનિશ ફિલ્મ મિરાજની રીમેક છે અને અનુરાગ કશ્યપ તેના ડાઈરેક્ટર છે.SS1MS
