રેલ્વે અધિકારીઓને ભારતના CAG ની ભૂમિકા અને કાર્યો વિશે માહિતગાર કરાયા
ડીજીએ (પશ્ચિમ રેલ્વે) અને એજી (ઓડિટ-II) અમદાવાદ દ્વારા મંડળ રેલ્વે મેનેજર ઓફિસ, અમદાવાદ ખાતે જાગૃતિ કાર્યક્રમનું આયોજન
ઓડિટ વિશે જાગૃતિ ફેલાવવાના સતત પ્રયાસોના ભાગરૂપે, ડીજીએ (પશ્ચિમ રેલ્વે) ની કચેરી અને એજી (ઓડિટ-II) ની કચેરી અમદાવાદ મંડળ રેલ્વે મેનેજરની કચેરી, અમદાવાદમાં એક જાગૃતિ કાર્યક્રમનું આયોજન કર્યું હતું. કાર્યક્રમમાં, રેલ્વે અધિકારીઓને ભારતના CAG ની ભૂમિકા અને કાર્યો વિશે માહિતી આપવામાં આવી હતી.
આ કાર્યક્રમમાં શ્રી પવન સિંગલાએ વરિષ્ઠ ઓડિટ અધિકારી દ્વારા ઈતિહાસ, ફરજો અને શક્તિઓ અને ભારતના નિયંત્રક અને ઓડિટર જનરલ અને તેની ક્ષેત્રીય કાર્યાલયો દ્વારા કરવામાં આવતી કામગીરી વિશે માહિતી આપવામાં આવી હતી. આ પ્રસંગે ઓડિટ વિભાગ કેવી રીતે કામ કરે છે તે વિષય પર પ્રેઝન્ટેશન અને શોર્ટ ફિલ્મ પણ બતાવવામાં આવી હતી. આ કાર્યક્રમમાં વિવિધ સ્તરે રેલવે અધિકારીઓએ ભાગ લીધો હતો.
ભારતના નિયંત્રક એન્ડ ઓડિટર જનરલ (CAG) એ ભારતીય બંધારણની કલમ 148 હેઠળ બંધારણીય સત્તા છે, જે ભારત સરકાર ના તમામ વિભાગો અને તમામ રાજ્ય સરકારો ના તમામ વિભાગો ઓડિટ કરે છે. CAG હેઠળ ભારતીય ઓડિટ અને એકાઉન્ટ્સ વિભાગ ઓડિટ અને એકાઉન્ટિંગ કાર્યો કરે છે. દર વર્ષે 16મી નવેમ્બરને ઓડિટ દિવસ તરીકે મનાવવામાં આવે છે અને આ પ્રસંગે IA&AD દ્વારા સપ્તાહને ઓડિટ જાગૃતિ સપ્તાહ તરીકે મનાવવામાં આવે છે.
ઓડિટ કચેરીઓમાંથી વરિષ્ઠ ઓડિટ અધિકારીઓ શ્રી નીતિન કુમાર, શ્રી નીતિન બી.પરમાર અને સહાયક ઓડિટ અધિકારી શ્રી હુસૈન આલમ, , શ્રી વિક્રમ કુમાર અને શ્રી નરેન્દ્ર સોલંકી, સહાયક સુપરવાઈઝર, શ્રી અંકિત કુમાર, DEO અને શ્રી વિવેક કુમાર MTS આ કાર્યક્રમમાં ઉપસ્થિત રહ્યા હતા.
