ભારતીય પત્રકારોને ચીનમાં રહેવાની મંજૂરી નથી
પ્રતિકાત્મક
(એજન્સી)નવીદિલ્હી, ચીને ભારતના છેલ્લા પત્રકારને પણ દેશ છોડવાનો આદેશ આપ્યો છે. પત્રકારના ચીનમાં રોકાણ સાથે સંબંધિત દસ્તાવેજાે રિન્યૂ કરવામાં આવ્યા નથી.ચીનનો આરોપ છે કે ભારતમાં તેના પત્રકારો સાથે યોગ્ય વ્યવહાર કરવામાં આવતો નથી.
તેથી તેને પણ કડક પગલાં લેવાની ફરજ પડી છે. જાેકે સોમવારે ચીનના વલણમાં થોડી નરમાઈ જાેવા મળી હતી. તેમના વિદેશ મંત્રાલયે કહ્યું- આશા છે કે બંને દેશ આ તણાવને દૂર કરવા માટે કોઈ મધ્યમ રસ્તો કાઢશે. જાે કે ભારત પહેલા અમેરિકા અને ઓસ્ટ્રેલિયામાં પણ આ જ ટ્રીટમેન્ટ કરવામાં આવી છે. જ્યારે ડોનાલ્ડ ટ્રમ્પ રાષ્ટ્રપતિ હતા ત્યારે તેમણે ચીનની આ હરકતોનો જડબાતોડ જવાબ આપ્યો હતો.
પ્રથમ વખત ચીનના વિદેશ મંત્રાલયે બંને દેશોમાં પત્રકારોને લઈને ચાલી રહેલા તણાવ પર પ્રતિક્રિયા આપી હતી. વિદેશ મંત્રાલયના પ્રવક્તા વાંગ વેનબિને કહ્યું- તાજેતરના વર્ષોમાં ભારતમાં ચીની પત્રકારો સાથે યોગ્ય વ્યવહાર કરવામાં આવ્યો ન હતો. તે ભેદભાવનો શિકાર બન્યો. આ હોવા છતાં, અમે આશા રાખીએ છીએ કે ભારત અમારા પત્રકારોને વિઝા આપવાનું ચાલુ રાખશે.
વાંગે આગળ કહ્યું- અમે એ પણ આશા રાખીએ છીએ કે ભારતમાં અમારા પત્રકારો માટે સર્જાયેલી સમસ્યાઓ દૂર થઈ જશે. બંને દેશોના પત્રકારો એકબીજાના દેશમાં આરામથી કામ કરી શકે તે માટે એવી પરિસ્થિતિઓ બનાવવામાં આવશે. બે મહિના પહેલા સુધી ચીનમાં ભારતના કુલ ત્રણ પત્રકારો હતા. તાજેતરમાં, ચીનની સરકારે ૨ પત્રકારોના વિઝા દસ્તાવેજાે અને અન્ય જરૂરી કાગળો રિન્યુ કરવાનો ઇનકાર કર્યો હતો. તેથી, બંનેને ભારત પરત ફરવું પડ્યું.
ચીન તરફથી કહેવામાં આવ્યું હતું કે ભારત પણ તેમના પત્રકારો સાથે આવો જ વ્યવહાર કરે છે. તેણે બે ચીની પત્રકારોના વિઝા પણ રિન્યુ કર્યા ન હતા. જાે કે, ચીનમાં રહેલો છેલ્લો ભારતીય પત્રકાર ન્યૂઝ એજન્સી પીટીઆઈ માટે કામ કરે છે.
તેણે પણ આ મહિને દેશ પરત ફરવું પડશે. ન્યૂઝ એજન્સી ‘રોયટર્સ’ અનુસાર, દુનિયાની બીજી સૌથી મોટી અર્થવ્યવસ્થામાં દુનિયાની સૌથી મોટી લોકશાહીનો કોઈ પત્રકાર નહીં હોય. બીજી તરફ ચીનનો આરોપ છે કે ભારતે ૨૦૨૦ પછી તેના કોઈપણ પત્રકારને વિઝા આપ્યા નથી, જ્યારે એક સમયે ત્યાં ચીનના ૧૪ પત્રકારો હતા.
ચીનના વિદેશ મંત્રાલયના પ્રવક્તા વાંગે કહ્યું- એ અફસોસની વાત છે કે ભારતે આ મુદ્દાના ઉકેલ માટે કોઈ પગલું ભર્યું નથી. અમે ઇચ્છીએ છીએ કે ભારત સરકાર પરસ્પર સન્માનના આધારે આ મામલો ઉકેલે. અમે ઈચ્છીએ છીએ કે વાતચીત દ્વારા કોઈ ઉકેલ મળે.એક રિપોર્ટ અનુસાર, મે મહિનામાં જીર્ઝ્રં મીટિંગ માટે ભારતે ચીની પત્રકારોને અસ્થાયી વિઝા આપ્યા હતા.
આ મહિનાની શરૂઆતમાં, ભારતીય વિદેશ મંત્રાલયે કહ્યું હતું – એવી અપેક્ષા છે કે ચીન અમારા પત્રકારોને ત્યાં કામ કરવા દેશે. અમે તેમના પત્રકારો સાથે ભેદભાવ નથી કરતા, પરંતુ ચીન અમારા પત્રકારોના કામમાં અવરોધ ઊભો કરે છે.
