હોન્ડા મોટરસાઇકલે CB300R લોન્ચ કર્યુંઃ જાણો શું છે કિંમત?
નવી દિલ્હી, હોન્ડા મોટરસાઇકલ એન્ડ સ્કૂટર ઈન્ડિયા (એચએમએસઆઈ) એ આજે OBD2A સુસંગત 2023 CB300R લોન્ચ કર્યું છે. એક સામાન્ય સફરને રમતિયાળ સ્પ્રિન્ટમાં પરિવર્તિત કરવા માટે અલ્ટીમેટ નીઓ સ્પોર્ટ્સ કાફે રોડસ્ટર તરીકે એન્જિનિયર્ડ, આ મશીન સવારી કરવા માટે ખૂબ જ આનંદ અને માલિકીનો સંપૂર્ણ હર્ષ પૂરો પાડે છે. Honda Motorcycle & Scooter India launches 2023
ગ્રાહકો હવે નવી 2023 હોન્ડા CB300Rને તેમની નજીકની બિગવિંગ ડીલરશીપ પર બુક કરાવી શકે છે અને તેની આકર્ષક કિંમત રૂ. 2,40,000 (એક્સ-શોરૂમ, દિલ્હી) છે.
હોન્ડાની નવીનતમ પ્રીમિયમ બિગવિંગ મોટરસાઇકલ રજૂ કરતાં, હોન્ડા મોટરસાઇકલ એન્ડ સ્કૂટર ઈન્ડિયાના મેનેજિંગ ડિરેક્ટર, પ્રેસિડેન્ટ અને સીઇઓ શ્રી સુત્સુમુ ઓટાનીએ જણાવ્યું હતું કે, “અમને ભારતમાં 2023 CB300R લોન્ચ કરવાની જાહેરાત કરતાં ગર્વ અનુભવીએ છીએ જે હવે નવા OBD2A અનુરૂપ એન્જિન સાથે છે.
પરફોર્મન્સ અને વર્સેટિલિટીના સુંદર સંતુલન સાથે ચાર ખંડોમાં ફેલાયેલા વારસા સાથે, CB300R એ યુવાન રાઇડર્સ માટે હોન્ડાના એન્જિનિયરિંગ તાકાત, ડિઝાઇન ફિલોસોફી અને પ્રીમિયમ બિલ્ડ ક્વૉલિટીની બ્રાન્ડ માટેનો અલ્ટીમેટ ગેટવે છે.”
2023 CB300Rના લોન્ચ અંગે ટિપ્પણી કરતા, હોન્ડા મોટરસાઇકલ એન્ડ સ્કૂટર ઈન્ડિયાના ડિરેક્ટર-સેલ્સ અને માર્કેટિંગ શ્રી યોગેશ માથુરે જણાવ્યું હતું કે, “ભારતીય ગ્રાહકો માટે CB300Rના આજના લોન્ચ સાથે એચએમએસઆઈની મીડ-વેઇટ હાઇ-પર્ફોર્મન્સ મોટરસાઇકલની વિશાળ શ્રેણી સતત વિકાસ પામી રહી છે. નવી 2023 CB300R તેની વિશિષ્ટ સુવિધાઓ અને ગતિશીલ રોડ હાજરી સાથે યુનિક મૂવ બનાવે છે. અમને વિશ્વાસ છે કે તે નવા ખરીદદારોને આકર્ષિત કરશે અને તેમના સવારીના અનુભવને પુનઃવ્યાખ્યાયિત કરશે.”
સ્ટાઇલ અને સાધનો: આઇકોનિક રેટ્રો-થીમ આધારિત CB1000R લિટર-ક્લાસ રોડસ્ટરની ડિઝાઈનમાંથી પ્રેરણા લેતા, 2023 CB300R હોન્ડાની બેનમૂન રોડસ્ટર ડિઝાઇન પર અતિ-આધુનિક મિનિમલિસ્ટિક સ્વરૂપ છે. તે એક મસ્ક્યુલર ફ્યુઅલ ટેંક અને નિયો સ્પોર્ટ્સ કેફે ડીએનએ પર આધારિત બીફી અપસ્વેપ્ટ એક્ઝોસ્ટ ધરાવે છે. ઓલ-એલઇડી લાઇટિંગ સિસ્ટમ (રાઉન્ડ એલઇડી હેડલેમ્પ, એલઇડી વિંકર્સ અને એલઇડી ટેલ લેમ્પ) સ્ટાઇલીંગ ક્વોશન્ટને આગળ વધારે છે.
માત્ર 146 કિલોના વજન સાથે CB300R એ તેની કેટેગરીમાં ઝડપી હેન્ડલિંગના વચન સાથે સૌથી હળવી મોટરસાઇકલ છે. 41એમએમ યુએસડી ફ્રન્ટ ફોર્ક્સ અને પાછળના ભાગમાં એડજસ્ટેબલ મોનો-શોક એબ્સોર્બર છે જે તેને ભારતીય રસ્તાઓ માટે યોગ્ય બનાવે છે.
બ્રેકિંગની જવાબદારી 296એમએમ ડિસ્ક બ્રેક (આગળની) અને 220એમએમ ડિસ્ક (પાછળની) સ્ટાન્ડર્ડ તરીકે ડ્યુઅલ-ચેનલ એબીએસ સંભાળે છે. ત્યાં એક સંપૂર્ણ ડિજિટલ ઇન્સ્ટ્રુમેન્ટ ક્લસ્ટર પણ છે અને તે હવે ઇમરજન્સી સ્ટોપ સિગ્નલ અને હેઝાર્ડ લાઇટ સ્વીચ પણ ધરાવે છે.
એન્જિન અને પ્રદર્શન: નવી હોન્ડા CB300Rમાં શક્તિશાળી 286.01સીસી, 4 સ્ટ્રોક, સિંગલ-સિલિન્ડર BSVI OBD2A સુસંગત PGM-FI એન્જિન છે જે હવે પહેલા કરતાં વધુ પર્યાવરણને અનુકૂળ છે. આ મોટર 22.9 kW પાવર અને 27.5 Nm ટોર્ક ઉત્પન્ન કરે છે. CB300R 6-સ્પીડ ગિયરબોક્સ સાથે જોડાયેલું હોવાથી સરળતાથી શેરીના ખૂણાઓમાંથી પસાર થઈ શકે છે. તે એક આસિસ્ટ સ્લિપર ક્લચ પણ ધરાવે છે જે ગિયરશિફ્ટને સરળ બનાવે છે અને બાઈક ધીમી પડતી વખતે હાર્ડ ડાઉન શિફ્ટ પર પાછળના વ્હીલ લોક-અપને મેનેજ કરે છે, જેનાથી રાઇડરની સુરક્ષામાં વધારો થાય છે.
રંગો, કિંમત અને ઉપલબ્ધતા: 2023 હોન્ડા CB300R પર્લ સ્પાર્ટન રેડ અને મેટ મેસિવ ગ્રે મેટાલિક કલર વેરિઅન્ટમાં ઉપલબ્ધ થશે. તેની આકર્ષક કિંમત રૂ. 2,40,000 (એક્સ-શોરૂમ, દિલ્હી) રાખવામાં આવી. બુકિંગ હવે શરૂ થઈ ચૂક્યું છે અને આ નીઓ સ્પોર્ટ્સ કેફે રોડસ્ટર કંપનીની પ્રીમિયમ બિગવિંગ ડીલરશીપ દ્વારા વેચવામાં આવશે.
