સરકાર ઓનલાઈન પેમેન્ટના નિયમોમાં કડક કાયદો લાવવાની તૈયારીઓ કરી રહી છે
ઓનલાઇન ફ્રોડને અટકાવવા સરકારની પૂર્વ તૈયારી
(એજન્સી)નવી દિલ્હી, જેમ જેમ લોકો ડિજિટલ ટ્રાન્ઝેક્શન તરફ વધી રહ્યા છે, તેમ-તેમ ઓનલાઈન પેમેન્ટ ફ્રોડના કિસ્સાઓ પણ વધી રહ્યા છે. છેલ્લા કેટલાક વર્ષોમાં, સાયબર ક્રાઇમના કિસ્સાઓ વધી રહ્યા હોવાનું જણાય છે અને સરકાર એમ જ આરબીઆઈ તેમને નિયંત્રિત કરવા માટે શ્રેષ્ઠ પ્રયાસો કરી રહી છે. આ પહેલમાં સરકારે ઓનલાઈન પેમેન્ટની છેતરપિંડી રોકવા માટે બે વ્યક્તિઓ વચ્ચે પ્રથમ ટ્રાન્ઝેક્શન પ્રક્રિયા માટે કેટલાક નિયમો લાવવાનો ર્નિણય કર્યો છે.
છેતરપિંડીના મામલાઓને રોકવા માટે સરકાર દ્વારા કેટલાક નિયમો પર વિચાર કરવામાં આવી રહ્યો છે. આ હેઠળ, જાે પ્રથમ વખત બે લોકો વચ્ચે ઓનલાઈન ટ્રાન્ઝેક્શન થાય છે, તો આ પ્રક્રિયામાં ૪ કલાકનો સમય લાગશે, અને ન્યૂનતમ સમય મર્યાદા લાદવાની પણ યોજના છે. ચાલો તેના વિશે વિગતવાર જાણીએ.
સરકારી અધિકારીઓએ જણાવ્યું છે કે ઓનલાઈન પેમેન્ટ ફ્રોડની વધતી જતી ઘટનાઓને રોકવા માટે સરકાર બે વ્યક્તિઓ વચ્ચે પ્રથમ વખતના ટ્રાન્જેક્શનમાં કેટલાક ફેરફારો કરવા જઈ રહી છે.
આ હેઠળ, ચોક્કસ રકમથી વધુના ટ્રાન્જેક્શન માટે લઘુત્તમ સમય મર્યાદા લાદવાની યોજના છે. ૨,૦૦૦ રૂપિયાથી વધુના ટ્રાન્જેક્શનમાં બે યુઝર્સ વચ્ચેના પ્રથમ ટ્રાન્ઝેક્શન માટે સંભવિત ૪-કલાકની વિન્ડો શામેલ થવાની સંભાવના છે.સરકાર આયોજન કરી રહી છે કે તેમની ૪-કલાકની પ્રક્રિયાના સમાવેશથી ડિજિટલ પેમેન્ટમાં થોડો વિક્ષેપ આવી શકે છે, પરંતુ તે સાયબર સુરક્ષાની ચિંતાઓને પણ ઘટાડી શકે છે. ઇન્સ્ટન્ટ પેમેન્ટ સર્વિસ , યુનિફાઇડ પેમેન્ટ ઇન્ટરફેસ અને રિયલ ટાઇમ ગ્રોસ સેટલમેન્ટ દ્વારા ચુકવણી કરવા માટે આ પદ્ધતિ અપનાવી શકાય છે.
હાલમાં, જાે કોઈ યુઝર ઓનલાઈન ટ્રાન્ઝેક્શન માટે નવું UPI એકાઉન્ટ બનાવે છે, તો તે ૨૪ કલાકમાં મહત્તમ રૂ. ૫,૦૦૦ સુધીનું પહેલું ટ્રાન્ઝેક્શન કરી શકે છે. તેવી જ રીતે, તે નેશનલ ઈલેક્ટ્રોનિક ફંડ ટ્રાન્સફર (NEFT) માટે પણ છે, જાે તમે પહેલીવાર એકાઉન્ટ બનાવો છો, તો તમે ૨૪ કલાકમાં ૫૦ હજાર રૂપિયા સુધીનું ટ્રાન્ઝેક્શન કરી શકો છો.
