વૈશ્વિક આર્થિક સુસ્તીની અસરઃ દેશની આયાત-નિર્યાત ઘટી
નવીદિલ્હી, વૈશ્વિક આર્થિક સુસ્તીની અસર ગત મહિને ભારતના વિદેશી વેપાર પર પડી. દેશના આયાત અને નિર્યાતમાં નવેમ્બર દરમિયાન ઘટાડો નોંધાયો છે. નિર્યાતમાં સામાન્ય ઘટાડો રહ્યો જ્યારે આયાત ૧૨ ટકાથી વધુ ઘટી ગઇ. આ વર્ષે નવેમ્બરમાં ભારતના નિર્યાત પાછળ વર્ષના આ મહિને ૨૬.૦૭ અરબ ડોલરથી ઘટીને ૨૫.૯૮ અરબ ડોલર રહી ગયો. ગત મહિને ઓક્ટોબરના મુકાબલે પણ નવેમ્બરમાં ઘટાડો થયો છે. ઓક્ટોબરમાં ભારતે ૨૬.૩૮ અરબ ડોલર મૂલ્યની વસ્તુઓનું નિર્યાત કરવામાં આવ્યું હતું.
જોકે પેટ્રોલિયમ અને રત્નાભૂષણો ઉપરાંત અન્ય વસ્તુઓના નિર્યાતમાં નવેમ્બરમાં ગત વર્ષના આ મહિનાથી ૪.૦૮ ટકા વધીને ૧૯.૩૧ અરબ ડોલર થઇ ગયું. ગત વર્ષે નવેમ્બરમાં આ વસ્તુઓનું નિર્યાત ૧૮.૫૫ અરબ ડોલર થયો હતો.
સત્તાવાર આંકડા અનુસાર આયાત નવેમ્બરમાં ગત વર્ષે આ મહિનાથી ૧૨.૭૧ ટકા ઘટીને ૩૮.૧૧ અરબ ડોલર રહી ગયો છે. ગત વર્ષે નવેમ્બરમાં આયાત ૪૩.૬૬ અરબ ડોલર હતો. ઓઇલની આયાત આ વર્ષે નવેમ્બરમાં ૧૧.૦૬ અરબ ડોલર થયું જોકે ગત વર્ષે આ મહિનામાં ૧૩.૫૨ ડોલર મૂલ્યનું ઓઇલ આયાત થયું હતું. આ પ્રકારે ઓઇલના આયાતમાં ડોલરના મૂલ્યમાં ગત વર્ષના મુકાબલે ૧૮.૧૭ ટકા ઘટાડો થયો છે.
