ગુજરાતમાં 10 હજાર કરોડમાં અદાણી વિશ્વનો સૌથી મોટો કોપર પ્લાન્ટ સ્થપાશે
આ પ્લાન્ટ ૨૦૨૯ સુધીમાં ૧૦ લાખ ટનની ક્ષમતા સાથે સંપૂર્ણ પાયે કામગીરી શરૂ કરશે.
(એજન્સી)અમદાવાદ, એશિયાના બીજા સૌથી ધનિક બિઝનેસમેન ગૌતમ અદાણી ઈતિહાસ રચવા જઈ રહ્યા છે. આ કામમાં તેઓ લગભગ ૧૦ હજાર કરોડ રૂપિયાનો ખર્ચ કરશે. ગૌતમ અદાણી ગુજરાતના મુન્દ્રામાં વિશ્વનું સૌથી મોટું સિંગલ લોકેશન કોપર મેન્યુફેક્ચરિંગ યુનિટ સ્થાપવા જઈ રહ્યું છે.
માહિતી અનુસાર, આ પ્લાન્ટ ભારતની આયાત પર નિર્ભરતા ઘટાડવામાં અને ઊર્જા સંક્રમણમાં મદદ કરશે. આ બાબતની જાણકારી ધરાવતા બે સૂત્રોએ જણાવ્યું હતું કે ૧.૨ બિલિયન યુએસ ડૉલરના રોકાણથી બનેલ આ પ્લાન્ટ માર્ચના અંત સુધીમાં પ્રથમ તબક્કાનું કામકાજ શરૂ કરશે. તેમણે કહ્યું કે આ પ્લાન્ટ ૨૦૨૯ સુધીમાં ૧૦ લાખ ટનની ક્ષમતા સાથે સંપૂર્ણ પાયે કામગીરી શરૂ કરશે.
ચીન અને અન્ય દેશોની જેમ ભારત પણ તાંબાના ઉત્પાદનમાં ઝડપથી વધારો કરી રહ્યું છે, જે અશ્મિભૂત ઇંધણનો ઉપયોગ ઘટાડવા માટે મહત્વની ધાતુ છે. ઈલેક્ટિÙક વાહનો , ચા‹જગ ઈન્ફ્રાસ્ટ્રક્ચર, સોલાર ફોટોવોલ્ટેઈક , પવન ઉર્જા અને બેટરી જેવી ઉર્જા સંક્રમણ માટે મહત્વપૂર્ણ ટેક્નોલોજીઓને તાંબાની જરૂર પડે છે. અદાણી એન્ટરપ્રાઇઝ લિમિટેડ ની પેટાકંપની કચ્છ કોપર લિમિટેડ બે તબક્કામાં વાર્ષિક ૧ મિલિયન ટન ક્ષમતાનો કોપર રિફાઇનરી પ્રોજેક્ટ સ્થાપી રહી છે.
પ્રથમ તબક્કામાં પ્રતિવર્ષ પાંચ લાખ ટનની ક્ષમતા શરૂ કરવામાં આવશે. આ માટે કેસીએલ એ જૂન ૨૦૨૨માં ધિરાણ મેળવ્યું હતું. એક સૂત્રોએ જણાવ્યું હતું કે અદાણી ગ્રૂપ રિસોર્સિસ બિઝનેસ, લોજિસ્ટિક્સ, રિન્યુએબલ એનર્જી અને ઈન્ફ્રાસ્ટ્રક્ચરમાં તેની મજબૂત સ્થિતિનો લાભ લઈને કોપર બિઝનેસમાં વૈશ્વિક લીડર બનવા માંગે છે. તેમણે કહ્યું કે ભારતમાં માથાદીઠ તાંબાનો વપરાશ લગભગ ૬૦૦ ગ્રામ છે,
જ્યારે વૈશ્વિક સરેરાશ ૩.૨ કિગ્રા છે. સૂત્રોના જણાવ્યા અનુસાર, સ્વચ્છ ઉર્જા પ્રણાલી તરફ ભારતની ઝુંબેશ, ઈલેક્ટિÙક વાહનોની વધતી જતી ઘૂંસપેંઠ અને ઘણી સંબંધિત એપ્લિકેશનોને કારણે ૨૦૩૦ સુધીમાં સ્થાનિક કોપરની માંગ બમણી થવાની ધારણા છે.
અદાણી ગ્રૂપ આ પરિવર્તનમાં ભારે રોકાણ કરી રહ્યું છે, જેમાં કોપર મુખ્ય ભૂમિકા ભજવશે. સ્ટીલ અને એલ્યુમિનિયમ પછી કોપર એ ત્રીજી સૌથી વધુ ઉપયોગમાં લેવાતી ઔદ્યોગિક ધાતુ છે. ઝડપથી વિકસતા રિન્યુએબલ એનર્જી, ટેલિકોમ અને ઇલેક્ટિÙક વાહન ઉદ્યોગોને કારણે તેની માંગ વધી રહી છે.
