અયોધ્યા શહેર બનવા જઈ રહ્યું છે ભારતનું વેટિકન સિટી
અયોધ્યા, અયોધ્યામાં ભગવાન રામના ભવ્ય મંદિરને ૨૨ જાન્યુઆરીએ પ્રાણ પ્રતિષ્ઠા કરવામાં આવી હતી. આ સાથે જ ત્યાં આવતા ભક્તોની સંખ્યામાં પણ જબરદસ્ત વધારો જોવા મળ્યો છે.
હોટલ ઉદ્યોગ સાથે સંકળાયેલા ઉદ્યોગપતિઓનું કહેવું છે કે ધાર્મિક પ્રવાસીઓની સંખ્યામાં વધારો થવાને કારણે આગામી પાંચ વર્ષમાં અયોધ્યામાં વિવિધ શ્રેણીની ૫૦ થી ૧૦૦ હોટેલો ખોલવાની સંભાવના છે. હોટેલ ઉદ્યોગની સંસ્થા ૐછૈં માને છે કે અયોધ્યાને માત્ર ધાર્મિક પર્યટનના પરિપ્રેક્ષ્યથી જ નહીં પરંતુ તેને ભારતના વેટિકન સિટી બનાવવાની તક તરીકે પણ જોવી જોઈએ.
હોટેલ એસોસિએશન ઓફ ઈન્ડિયાના ઉપાધ્યક્ષ કે બી કચરુએ કહ્યું કે અમારી પાસે અયોધ્યાને ધાર્મિક પર્યટનના દૃષ્ટિકોણથી નહીં પરંતુ તેને ભારતના વેટિકન સિટી જેવી બનાવવાની તક તરીકે જોવાની તક છે.
જો લોકો ઇટાલી અથવા રોમ જાય છે, પછી ભલે તેઓ કોઈપણ વર્ગના હોય, તેઓ ચોક્કસપણે વેટિકન જાય છે. કાચરુએ અહીં એક પ્રેસ કોન્ફરન્સમાં કહ્યું કે અયોધ્યાને આખી દુનિયા સમક્ષ એવી રીતે રજૂ કરવામાં આવી છે કે તેમાં લોકોની રુચિ અનેકગણી વધી ગઈ છે.
તેમણે કહ્યું કે લોકોને લાગે છે કે જો તેઓ ભારત જઈ રહ્યા છે તો તેમણે અયોધ્યા પણ જવું જોઈએ. આ બાબતને ધ્યાનમાં રાખીને તમામ બ્રાન્ડેડ હોટેલ કંપનીઓ આ શહેરમાં વૃદ્ધિને લઈને આશાવાદી છે. આ પ્રસંગે ૐછૈંના પ્રમુખ પુનીત ચટવાલે કહ્યું કે હવે અયોધ્યાનો સમય આવી ગયો છે અને તેને કોઈ રોકી શકશે નહીં. તેમણે કહ્યું કે આગામી ત્રણથી પાંચ વર્ષમાં અયોધ્યાની અંદર ૫૦થી ૧૦૦ હોટેલો બનાવવામાં આવશે.SS1MS
