ફિલ્મ શૈતાનના કલેક્શનમાં ૨૬% વધારો: ૩૪.૩૯ કરોડની કમાણી
મુંબઈ, પહેલા દિવસે ૧૫ કરોડ ૨૧ લાખ રૂપિયાની ઓપનિંગ મેળવ્યા બાદ અજય દેવગનની ફિલ્મ શૈતાને બીજા દિવસે પણ જોરદાર કમાણી કરી હતી.
૨૬%ની વૃદ્ધિ સાથે, ફિલ્મે શનિવારે ૧૯ કરોડ ૧૮ લાખ રૂપિયાનું કલેક્શન કર્યું હતું. આ સાથે ફિલ્મે બે દિવસમાં ૩૪ કરોડ ૩૯ લાખ રૂપિયાની કમાણી કરી લીધી છે.
અગાઉ, શરૂઆતના દિવસે ૧૫ કરોડ ૨૧ લાખ રૂપિયાની કમાણી કર્યા પછી, શૈતાન અજયની કારકિર્દીની પાંચમી સૌથી વધુ કમાણી કરનારી ફિલ્મ બની હતી. અજય અને કરીના સ્ટારર ફિલ્મ ‘સિંઘમ રિટર્ન્સ’ આ લિસ્ટમાં ટોપ પર છે. અજયની ફિલ્મને ૩૨.૦૯ કરોડની ઓપનિંગ મળી હતી.
‘શૈતાન’નું નિર્દેશન વિકાસ બહલે કર્યું છે જેમાં સાઉથની અભિનેત્રી જ્યોતિકા પણ મહત્ત્વની ભૂમિકામાં જોવા મળી રહી છે. ગુજરાતી અભિનેત્રી જાનકી બોડીવાલાએ આ ફિલ્મથી બોલિવૂડમાં એન્ટ્રી કરી છે. તેના બીજા શનિવારે ‘લાપતા લેડીઝ’એ ૮૮ લાખ રૂપિયા એકઠા કર્યા. આ સાથે ફિલ્મે ભારતીય બોક્સ ઓફિસ પર ૭ કરોડ ૮૬ લાખ રૂપિયાની કમાણી કરી લીધી છે.
શનિવારે, ફિલ્મની સ્ટાર કાસ્ટમાંથી ત્રણ મુખ્ય કલાકારો, સ્પર્શ શ્રીવાસ્તવ, પ્રતિભા રાંતા અને નિતાંશી ગોયલ મુંબઈના એક થિયેટરમાં પહોંચ્યા હતા. અહીં દર્શકોએ તેની ફિલ્મના ખૂબ વખાણ કર્યા.
યામી ગૌતમ સ્ટારર ‘આર્ટિકલ ૩૭૦’ એ ૧૬માં દિવસે એટલે કે ત્રીજા શનિવારે ૨ કરોડ ૭૫ લાખ રૂપિયાનો બિઝનેસ કર્યો હતો. તેણે પહેલા વીકએન્ડમાં ૩૫ કરોડ ૬૦ લાખ રૂપિયા અને બીજા વીકએન્ડમાં ૨૨ કરોડ ૩૦ લાખ રૂપિયાની કમાણી કરી હતી. આ સાથે ફિલ્મે અત્યાર સુધીમાં કુલ ૬૨ કરોડ રૂપિયાનું કલેક્શન કર્યું છે.SS1MS
