સમગ્ર ઉત્તર અમેરિકામાં સૂર્ય ગ્રહણ દરમિયાન ઠપ થઈ જશે ફોન
નવી દિલ્હી, આ વર્ષે એપ્રિલ મહિનામાં થનારા કુલ સૂર્યગ્રહણને લઈને અનેક પ્રકારની ચેતવણીઓ જારી કરવામાં આવી છે. ૮ એપ્રિલ, ૨૦૨૪ના રોજ થનારું સૂર્યગ્રહણ સમગ્ર ઉત્તર અમેરિકામાં ફેલાઈ જશે. તે મેક્સિકો, યુનાઇટેડ સ્ટેટ્સ અને કેનેડામાંથી પસાર થશે.
આવી સ્થિતિમાં, ચેતવણી જારી કરવામાં આવી છે કે સંપૂર્ણ સૂર્યગ્રહણ દરમિયાન મોબાઇલ ફોન કામ કરવાનું બંધ કરી શકે છે. આ સૂર્યગ્રહણ ભારતમાં દેખાશે નહીં. નાસા અનુસાર, આ સૂર્યગ્રહણ અમેરિકાના ટેક્સાસમાં શરૂ થશે અને અન્ય ઘણા રાજ્યોમાંથી પસાર થશે.
અમેરિકામાં તેને જોવા માટે લાખો લોકો ખૂબ જ ઉત્સાહિત છે. રિપોર્ટ અનુસાર મોબાઈલ કંપનીઓને આના કારણે મુશ્કેલીનો સામનો કરવો પડી શકે છે.
રિપોર્ટ અનુસાર, આ સંપૂર્ણ સૂર્યગ્રહણ જોવા માટે ઘણા લોકો એકઠા થશે. જ્યારે આટલા બધા લોકો એક જગ્યાએ ભેગા થાય છે, ત્યારે ઘણીવાર મોબાઇલ ફોનનું નેટવર્ક પણ કામ કરતું નથી. આ કારણે, ઘણા લોકો ૮ એપ્રિલે સોશિયલ મીડિયા પર આ સૂર્યગ્રહણને કવર કરી શકશે નહીં.
ન્યૂયોર્ક સ્ટેટ પોલીસે ચેતવણી જારી કરીને કહ્યું છે કે ૮ એપ્રિલ, ૨૦૨૪ના રોજ આ ખગોળીય ઘટનાને જોવા માટે લાખો લોકો અલગ-અલગ સ્થળોએ એકઠા થશે. જેના કારણે ભીડભાડવાળા રસ્તાઓ પર મુશ્કેલીનો સામનો કરવો પડી શકે છે. ટી-મોબાઈલ કંપનીએ સૂર્યગ્રહણને લઈને ખાસ તૈયારીઓ કરી છે જેથી આ સમયગાળા દરમિયાન દરેક વ્યક્તિ પોતાના ફોનનો ઉપયોગ કરી શકે.
આ કંપની તેના નેટવર્કને મજબૂત કરવા માટે ખાસ તૈયારીઓ કરી રહી છે જેથી ખરાબ હવામાનમાં અથવા એક જગ્યાએ ઘણા બધા લોકો એકઠા થાય ત્યારે પણ નેટવર્કમાં કોઈ સમસ્યા ન થાય. કંપનીએ કહ્યું કે આવી ઘણી જગ્યાઓ પર બેકઅપ તૈયારીઓ કરવામાં આવી છે.
ટેક્સાસ અને ન્યૂ ઇંગ્લેન્ડ વચ્ચેનું એરસ્પેસ આગામી કુલ સૂર્યગ્રહણમાં વ્યસ્ત રહેવાની અપેક્ષા છે કારણ કે ઉત્સાહીઓ આ જીવનકાળમાં એક વખતની ઘટના જોવા માટે તેમની ટ્રિપ્સનું આયોજન કર્યું છે. જોકે, આ ખગોળીય ઘટના આકાશમાં પ્રવાસીઓ માટે મુશ્કેલી ઊભી કરી શકે છે.
એફએએ ચેતવણી અનુસાર, ૭ એપ્રિલના રોજ સવારે ૬ એએમ થી ૧૦ એપ્રિલની મધ્યરાત્રિ સુધી હવાઈ મુસાફરી પ્રભાવિત થઈ શકે છે. એક રિપોર્ટ અનુસાર, અમેરિકાના રાજ્યોમાં એર ટ્રાફિક વધવાની આશંકા છે, આવી સ્થિતિમાં સૂર્યગ્રહણ સંપૂર્ણ રીતે દેખાશે તે સ્થળોના માર્ગો પ્રભાવિત થશે.
પાઇલોટ્સ અને એરપોર્ટને અગાઉથી આયોજન કરવા અને અસ્થાયી ફ્લાઇટ પ્રતિબંધો માટે નિયમિતપણે તપાસ કરવાની સલાહ આપવામાં આવી છે. યુએસ સરકારની નાગરિક ઉડ્ડયન એજન્સી ફેડરલ એવિએશન એડમિનિસ્ટ્રેશનએ ૮ એપ્રિલે પૂર્ણ સૂર્યગ્રહણ માટે હવાઈ મુસાફરી અંગે ચેતવણી જારી કરી છે. એફએએ અનુસાર, સૂર્યગ્રહણ અમેરિકામાં હવાઈ મુસાફરીને અસર કરી શકે છે.
એફએએ તેની વેબસાઇટ પર લખ્યું છે, એરક્રાફ્ટ સંભવિત એરબોર્ન હોÂલ્ડંગ (ઉતરાણ પહેલાં હવામાં રાખવામાં આવે છે), માર્ગ અને/અથવા અપેક્ષિત પ્રસ્થાન ક્લિયરન્સ સમય માટે તૈયાર હોવું જોઈએ, જે તમામ સ્થાનિક આઈએફઆર આગમન અને પ્રસ્થાન માટે જારી કરવામાં આવશે. એફએએ વેબસાઈટ સૂર્યગ્રહણના માર્ગમાં પ્રભાવિત થનારા એરપોર્ટની પણ યાદી આપશે.SS1MS
