બોક્સ ઓફિસ પર કરિનાની ફિલ્મ ‘ક્રૂ’એ ધમાલ મચાવી
મુંબઈ, રાજેશ એ કૃષ્ણન દ્વારા નિર્દેશિત ફિલ્મ ‘ક્‰’ એ તેની રિલીઝના ત્રણ દિવસમાં જ બોક્સ ઓફિસ પર ધમાલ મચાવી છે. આ ફિલ્મને દર્શકોનો મિશ્ર પ્રતિસાદ મળી રહ્યો છે. આ ફિલ્મમાં કરીના કપૂર, તબ્બુ અને કૃતિ સેનનની જોડી જોવા મળી છે.
આ ત્રણેયે પહેલીવાર એક ફિલ્મમાં સાથે કામ કર્યું છે અને તેથી જ લોકો તેમની એક્ટિંગ અને જોડીને પસંદ કરી રહ્યા છે. આ જ કારણ છે કે આ ફિલ્મે શરૂઆતના દિવસે જ સારી કમાણી કરી હતી. હવે આ ફિલ્મના ત્રીજા દિવસનું કલેક્શન પણ સામે આવ્યું છે. ચાલો જાણીએ કે રવિવારે ફિલ્મે કેટલો બિઝનેસ કર્યો. ૨૯ માર્ચે સિનેમાઘરોમાં રિલીઝ થયેલી ફિલ્મ ‘ક્‰’એ ધમાલ મચાવી દીધી છે.
અગાઉ શેતાન બોક્સ ઓફિસ પર કબજો જમાવી ચૂકી હતી, પરંતુ હવે ક્‰ના કલેક્શનને જોતા લાગે છે કે આ ફિલ્મ કમાણીના મામલે અજય દેવગનની ફિલ્મને ટક્કર આપવા જઈ રહી છે. તેના શરૂઆતના દિવસે જ આ ફિલ્મે ૯.૨૫ કરોડની કમાણી સાથે પોતાનું ખાતું ખોલાવ્યું હતું. આ પછી, ફિલ્મે શનિવારે છલાંગ લગાવી અને ૯.૭૫ કરોડનો બિઝનેસ કર્યો. હવે રવિવારનું કલેક્શન પણ આવી ગયું છે.
એક રિપોર્ટ અનુસાર, આ ફિલ્મે રિલીઝના ત્રીજા દિવસે અત્યાર સુધીમાં ૯.૭૯ કરોડ રૂપિયાનો બિઝનેસ કર્યો છે. જો કે, આ પ્રારંભિક આંકડા છે અને તેમાં ફેરફાર થઈ શકે છે. આવી સ્થિતિમાં ઘરેલુ બોક્સ ઓફિસ પર આ ફિલ્મની કુલ કમાણી ૨૮.૭૯ કરોડ રૂપિયા થઈ ગઈ છે.
શું તે ટૂંક સમયમાં રૂ. ૫૦ કરોડનો આંકડો પાર કરશે ? જો રજા સિવાયના દિવસોમાં પણ કરીના કપૂરની ફિલ્મ આવી જ કમાણી કરતી રહી તો આગામી ત્રણ-ચાર દિવસમાં આ ફિલ્મ ૫૦ કરોડનો આંકડો પાર કરી શકે છે. આ કોમેડી ડ્રામા ફિલ્મ પાસેથી ચાહકોને ઘણી અપેક્ષાઓ હતી. કરીના, તબ્બુ અને કૃતિને એકસાથે જોવા માટે ચાહકો ખૂબ જ ઉત્સાહિત હતા. ક્‰ દર્શકોની અપેક્ષાઓ પર ખરા ઉતરવામાં સફળ રહી છે.SS1MS
