‘સિંઘમ અગેન’માંથી દીપિકા પાદુકોણનો લુક સામે આવ્યો
મુંબઈ, રોહિત શેટ્ટીની કોપ યુનિવર્સની પાંચમી ફિલ્મ ‘સિંઘમ અગેન’ ઘણા સમયથી ચર્ચામાં છે. આ મલ્ટી સ્ટારર ફિલ્મની ચાહકો આતુરતાથી રાહ જોઈ રહ્યા છે. થોડા સમય પહેલા, રોહિતે ફિલ્મના તમામ પાત્રોને દર્શકો સમક્ષ રજૂ કર્યા હતા, ત્યારબાદ ચાહકો આ ફિલ્મને લઈને ખૂબ જ ઉત્સાહિત છે.
ચાહકોના ઉત્સાહને બમણો કરવા માટે, રોહિતે ફરી એકવાર દીપિકા પાદુકોણનું લૂક પોસ્ટર શેર કર્યું છે. આ ફોટામાં અભિનેત્રીનો દમદાર અવતાર જોઈ શકાય છે. રોહિત શેટ્ટીએ પોતાના ઈન્સ્ટાગ્રામ એકાઉન્ટ પર આ વાત શેર કરતી વખતે કેપ્શનમાં લખ્યું, ‘આ મારી હીરો છે.
લેડી સિંઘમ રીલ અને રિયલ લાઈફમાં પણ…’રોહિત શેટ્ટીની આ પોસ્ટ સોશિયલ મીડિયા પર ખૂબ જ વાયરલ થઈ રહી છે. ફોટો પર કોમેન્ટ્સનું પૂર આવ્યું છે. એક યુઝરે લખ્યું કે એક માતા યુનિફોર્મ પહેરીને દેશની સેવા કરી રહી છે. તો અન્ય એક યુઝરે લખ્યું કે ‘લેડી સિંઘમ ફાયર છે.’
મજા આવી ગઈ બાબુ ભૈયા…’દીપિકાના ફર્સ્ટ લૂક પોસ્ટરમાં, અભિનેત્રીએ પોલીસ યુનિફોર્મ પહેરીને તેનો ચંડાલિકા લુક બતાવ્યો હતો. પોસ્ટરમાં, અભિનેત્રી ગુંડા પર બેઠેલી, એક હાથથી તેના વાળ ખેંચતી અને બીજા હાથથી તેના કપાળ પર બંદૂક બતાવતી જોવા મળી હતી.
વર્ષ ૨૦૨૨માં રિલીઝ થયેલી ફિલ્મ ‘સર્કસ’ દરમિયાન ડિરેક્ટર રોહિત શેટ્ટીએ પોતાની ‘લેડી સિંઘમ‘નો ખુલાસો કર્યો હતો. તેણે કહ્યું હતું કે દીપિકા પાદુકોણ ‘સિંઘમ અગેન’માં લેડી સિંઘમ બનશે.તમને જણાવી દઈએ કે આ દિવસોમાં મુંબઈમાં ‘સિંઘમ ૩’નું શૂટિંગ ચાલી રહ્યું છે.
તેનો સેટ મુંબઈમાં જ તૈયાર કરવામાં આવ્યો છે. ફિલ્મની સ્ટાર કાસ્ટની વાત કરીએ તો રોહિતની આ મલ્ટીસ્ટારર ફિલ્મમાં દીપિકા ઉપરાંત અજય દેવગન, કરીના કપૂર ખાન, રણવીર સિંહ, અક્ષય કુમાર જેવા કલાકારો ધૂમ મચાવતા જોવા મળશે. અહેવાલો છે કે આ ફિલ્મ વર્ષ ૨૦૨૪માં સ્વતંત્રતા દિવસના અવસર પર રિલીઝ થશે.SS1MS
