અનન્યાની આવક મારા કરતાં વધુ છે, તેને કંઈ કહી શકું નહીં:ચંકી પાંડે
મુંબઈ, વીતેલા જમાનાના એક્ટર ચંકી પાંડેની દીકરી અનન્યાએ બોલિવૂડના ટોચના સ્ટાર્સમાં સ્થાન મેળવ્યું છે. અનન્યા પાંડે અને આદિત્ય રોય કપૂર ડેટિંગ કરી રહ્યા હોવાનું લાંબા સમયથી કહેવાય છે. અનન્યા અને આદિત્ય ઘણી વખત સાથે જોવા મળે છે.
વેકેશનમાં પણ અનન્યાના પરિવાર સાથે આદિત્યની હાજરી હતી. આદિત્ય સાથે દીકરી અનન્યાના સંબંધો અંગે સવાલ પૂછાતાં ચંકી પાંડેએ દીકરીના અંગત મામલામાં હસ્તક્ષેપનો ઈનકાર કર્યો હતો. ચંકીએ જણાવ્યું હતું કે, તેઓ અનન્યા જેવડા હતા ત્યારે ઘણું ઓછું કમાતા હતા.
તેમના કરતાં અનન્યાની આવક વધુ છે, તેને કંઈ કહેવાની હિંમત કઈ રીતે કરી શકાય? અનન્યા પોતાના ઈન્ટરવ્યૂ દરમિયાન આદિત્ય અંગે ઉલ્લેખ કરતી રહે છે. આ અંગે વાત કરતા ચંકી પાંડેએ જણાવ્યું હતું કે, તેમાં કઈ ખોટું નથી. તે ૨૫ વર્ષની છે અને આ ઉંમરે તેમની આવક હતી, તેના કરતા અનન્યા વધારે કમાય છે.
૨૫ વર્ષની દીકરીને શું કરવું જોઈએ? તે કઈ રીતે કહી શકાય. ફિલ્મોમાં અનન્યાના અંતરંગ દૃશ્યો સામે પિતા તરીકે પોતાને કંઈ વાંધો નહીં હોવાનું ચંકીએ કહ્યું હતું. હોલિવૂડમાં આવા દૃશ્યો જોયાં છે અને તેમાં કંઈ ખોટું નથી. આવા દૃશ્યો સ્વીકારવા જોઈએ.
દીકરીઓ ક્યારેય સલાહ લેવા તેમની પાસે આવે છે? તેવા સવાલના જવાબમાં ચંકીએ કહ્યું હતું કે, બંને દીકરીઓ ભાવનાની નજીક છે. ફિલ્મ તથા પ્રોજેક્ટ અંગે સલાહ લેવી હોય ત્યારે તેમનો મત અલગ હોય છે.SS1MS
