દુબઈથી આવતી અને જતી તમામ ફ્લાઇટ્સ આગામી સૂચના સુધી કામચલાઉ ધોરણે સ્થગિત

એમિરેટ્સ એરલાઇન્સની તમામ ફ્લાઇટ્સ સ્થગિત: દુબઈ એરપોર્ટ ન જવા મુસાફરોને સલાહ

નવી દિલ્હી, 7 માર્ચ-2026 એમિરેટ્સ એરલાઇન્સે શનિવારે જાહેરાત કરી છે કે તેણે દુબઈથી આવતી અને જતી તમામ ફ્લાઇટ્સ આગામી સૂચના સુધી કામચલાઉ ધોરણે સ્થગિત કરી દીધી છે. એરલાઇન્સે મુસાફરોને વિનંતી કરી છે કે જ્યાં સુધી કામગીરી બંધ છે ત્યાં સુધી એરપોર્ટ પર ન જાય.

An Iranian drone reportedly exploded over Dubai International Airport

સોશિયલ મીડિયા પ્લેટફોર્મ ‘X’ પર પોસ્ટ કરેલા નિવેદનમાં એરલાઇન્સે જણાવ્યું હતું કે, જેમ જેમ વધુ માહિતી ઉપલબ્ધ થશે તેમ તેમ અપડેટ્સ આપવામાં આવશે. તેમણે ભારપૂર્વક જણાવ્યું હતું કે મુસાફરો અને ક્રૂ મેમ્બર્સની સુરક્ષા તેમની સર્વોચ્ચ પ્રાથમિકતા છે.

મુસાફરો માટે મહત્વની સૂચનાઓ:

• પ્રવાસમાં છૂટછાટ: જે મુસાફરોએ 28 ફેબ્રુઆરી થી 31 માર્ચ વચ્ચે બુકિંગ કરાવ્યું છે, તેઓ તેમના પ્રવાસના પ્લાનમાં ફેરફાર કરી શકશે.

• ફરીથી બુકિંગ: મુસાફરો 30 એપ્રિલ કે તે પહેલાં તેમના નિર્ધારિત ગંતવ્ય સ્થાન માટે વૈકલ્પિક ફ્લાઇટ બુક કરી શકે છે.

• રિફંડની સુવિધા: મુસાફરો પાસે રિફંડ મેળવવાનો વિકલ્પ પણ છે. જે મુસાફરોએ સીધું એમિરેટ્સ દ્વારા બુકિંગ કર્યું છે તેઓ ઓનલાઇન ફોર્મ ભરી શકે છે, જ્યારે ટ્રાવેલ એજન્ટ મારફતે બુકિંગ કરાવનારાઓએ એજન્ટનો સંપર્ક કરવાનો રહેશે.

• ચેક-ઇન સુવિધા: દુબઈમાં તમામ ‘સિટી ચેક-ઇન’ સુવિધાઓ પણ આગામી સૂચના સુધી બંધ કરી દેવામાં આવી છે.

એરલાઇન્સે મુસાફરોને તેમના બુકિંગ પ્રોફાઇલમાં સંપર્ક વિગતો (મોબાઇલ નંબર/ઇમેઇલ) અપડેટ કરવા વિનંતી કરી છે જેથી ફ્લાઇટ ઓપરેશન અંગેના લેટેસ્ટ અપડેટ્સ સીધા મળી શકે. પરિસ્થિતિ મુજબ એરલાઇન્સ તેના સત્તાવાર માધ્યમો દ્વારા વધારાની માહિતી શેર કરવાનું ચાલુ રાખશે.