યુદ્ધની વૈશ્વિક બજાર પર ભીષણ અસરઃ ક્રૂડ ઓઇલ ૧૧૬ ડોલરને પાર

નવી દિલ્હી, મિડલ ઈસ્ટમાં અમેરિકા-ઈઝરાયલ અને ઈરાન વચ્ચે વધતા તણાવ અને યુદ્ધની સીધી અસર હવે વૈશ્વિક બજાર પર જોવા મળી રહી છે. ખાસ કરીને કાચા તેલના ભાવમાં મોટો ઉછાળો આવ્યો છે, જ્યારે મજબૂત ડોલરના કારણે સોનાના ભાવમાં ઘટાડો નોંધાયો છે.

મિડલ ઈસ્ટમાં જંગ બીજા અઠવાડિયામાં પ્રવેશતા જ કાચા તેલની કિંમતો આસમાને પહોંચી છે. તાજેતરના ડેટા મુજબ, ડબલ્યુટીઆઈ ક્રુડ ફ્યુચર્સમાં ૨૮.૨૭% નો જંગી ઉછાળો જોવા મળ્યો છે.

હાલમાં તે પ્રતિ બેરલ ૧૧૬.૬૦ ડોલર પર ટ્રેડ થઈ રહ્યું છે, જે તેના ૫૨ અઠવાડિયાની સર્વાેચ્ચ સપાટી ૧૧૯.૪૩ ડોલરની અત્યંત નજીક છે. હોર્મુઝની સામુદ્રધુની, જ્યાંથી વિશ્વનો ૨૦% તેલ પુરવઠો પસાર થાય છે, ત્યાં અવરોધ ઊભો થવાની આશંકાએ ભાવમાં આ તેજી જોવા મળી છે.

એકતરફ તેલ મોંઘું થઈ રહ્યું છે, તો બીજી તરફ અમેરિકન ડોલર મજબૂત થવાને કારણે સોનાના ભાવમાં ઘટાડો થયો છે. સિંગાપોર માર્કેટમાં સ્પોટ ગોલ્ડ ૦.૯% ઘટીને ૫,૧૨૪.૪૮ ડોલર પ્રતિ ઔં સ પર આવી ગયું છે. ચાંદીના ભાવમાં પણ ૧.૬% નો ઘટાડો નોંધાયો છે અને તે ૮૩.૨૨ ડોલર પર ટ્રેડ થઈ રહી છે. ડોલર ઇન્ડેક્સમાં ૦.૪% નો વધારો થતા રોકાણકારો સોનાને બદલે રોકડ રાખવાનું વધુ પસંદ કરી રહ્યા છે.

કાચા તેલના વધતા ભાવે અમેરિકી સેન્ટ્રલ બેંકની ચિંતા વધારી દીધી છે. તેલ મોંઘું થવાથી મોંઘવારી વધશે, જેના કારણે ફેડરલ રિઝર્વ વ્યાજદરમાં ઘટાડો કરવાને બદલે તેને યથાવત રાખે અથવા વધારો કરે તેવી શક્યતા છે. સામાન્ય રીતે વધતા વ્યાજદર સોના જેવી કિંમતી ધાતુઓ માટે નકારાત્મક માનવામાં આવે છે.

મિડલ ઈસ્ટમાં જંગ અત્યારે ૧૦ માં દિવસમાં છે. ઈરાને તેના નવા સુપ્રીમ લીડરની નિમણૂક કરી છે અને હુમલા ચાલુ રાખ્યા છે, જ્યારે ઈઝરાયલે તેહરાનમાં ઈંધણ ડેપો પર હુમલો કરી ઈરાનના પાવર ગ્રીડને નિશાન બનાવવાની ધમકી આપી છે.

આ લશ્કરી સંઘર્ષના કારણે ઉર્જા ક્ષેત્રે ભારે અનિશ્ચિતતા ઊભી થઈ છે.ઈરાન સામે યુદ્ધના કારણે ક્‰ડ ઓઇલના ઉત્પાદન અને પરિવહન ઉપર પડેલી અસરના કારણે ભાવમાં જોરદાર તેજી જોવા મળી રહી છે. ક્‰ડના ભાવ વધવાની અસરથી ભારતમાં મોંઘવારી વધી શકે છે કારણ કે ભારત તેની જરૂરિયાતના ૮૫ ટકા ક્રૂડની આયાત કરે છે.SS1MS