કંડલા પોર્ટ પર આવી રહેલા કાર્ગો જહાજ પર હોર્મુઝ સ્ટ્રેટમાં હુમલોઃ 20 લોકોને બચાવાયા

મયુરી નારી નામનું જહાજ સંયુક્ત આરબ અમીરાતના ખલીફા બંદરથી ભારતના કંડલા જઈ રહ્યું હતું ત્યારે આ ઘટના બની- ત્રણ ક્રૂ સભ્યો હજુ પણ ફસાયેલા છે

અમદાવાદ, બેંગકોક પોસ્ટના અહેવાલ મુજબ, બુધવારે હોર્મુઝ સ્ટ્રેટમાં ગુજરાત તરફ જઈ રહેલા થાઈ ધ્વજવાળા કાર્ગો જહાજ પર એક અજાણી મિસાઈલ વાગી હતી, જેના કારણે જહાજમાં આગ લાગી ગઈ હતી અને બચાવ કામગીરી શરૂ થઈ હતી. 

Photos of a Thai crew member from the cargo vessel Mayuree Naree, which was attacked near the Strait of Hormuz, have surfaced on social media following the incident.

થાઈ નૌકાદળ દ્વારા જારી કરાયેલા એક નિવેદનમાં જણાવાયું છે કે, મયુરી નારી નામનું જહાજ સંયુક્ત આરબ અમીરાતના ખલીફા બંદરથી ભારતના કંડલા જઈ રહ્યું હતું ત્યારે આ ઘટના બની. અધિકારીઓએ હજુ સુધી હુમલાખોરોની ઓળખ અથવા હુમલામાં ઉપયોગમાં લેવાયેલા હથિયારના પ્રકાર વિશે પુષ્ટિ કરી નથી.

દરિયાઈ સુરક્ષા સૂત્રો અને શિપ ટ્રેકિંગ ડેટા અનુસાર, વીસ ક્રૂ સભ્યોને બચાવી લેવામાં આવ્યા હતા જ્યારે ત્રણ હજુ પણ બોર્ડમાં ફસાયેલા હતા. મયુરી નારી નામના આ જહાજને ઓમાનના ઉત્તરી કિનારાથી લગભગ 11 નોટિકલ માઈલ દૂર નિશાન બનાવવામાં આવ્યું હતું. થાઈ સરકારે પુષ્ટિ આપી છે કે ઘટના બાદ 20 ક્રૂ સભ્યોને બચાવી લેવામાં આવ્યા હતા, જ્યારે ત્રણ ક્રૂ સભ્યો હજુ પણ બોર્ડમાં છે.