યુએસએ હોર્મુઝની ખાડી ખોલવાનો પ્રયાસ કરતાં ઇરાનનો હુમલો

દુબઇ, અમેરિકા અને ઇઝરાયેલ સાથે ઇરાનના યુદ્ધમાં હવે નવું પ્રકરણ ઉમેરાયું છે. અમેરિકાએ હોર્મુઝની ખાડી ખોલવાનો પ્રયાસ કર્યાે હતો. જેને પગલે ઇરાને અનેક જહાજોને નિશાન બનાવ્યા હતા.

આ વિસ્તારમાં સેંકડો જહાજો ફસાયા છે. અમેરિકી સૈન્યનું કહેવું છે કે તેણે હોર્મુઝની ખાડીમાં અવરજવર માટેનો માર્ગ ખુલ્લો કર્યાે છે અને આ જળમાર્ગ દ્વારા નેવિગેશનને પ્રોત્સાહિત કરવા માટે ડઝનબંધ શિપિંગ કંપનીઓનો સંપર્ક કર્યાે છે. ઈરાને અમેરિકી નૌકાદળના યુદ્ધ જહાજ પર મિસાઈલ હુમલો કર્યાે હોવાનો દાવો કર્યાે છે.

ઈરાનની ફાર્સ ન્યૂઝ એજન્સીએ અહેવાલ આપ્યો છે કે જાસ્ક પાસે અમેરિકી નૌકાદળના જહાજ પર બે મિસાઈલો પડી છે. અહેવાલમાં જણાવવામાં આવ્યું છે કે આ અમેરિકી યુદ્ધ જહાજે રિવોલ્યુશનરી ગાર્ડની ચેતવણીઓને અવગણી હતી.આ ઘટના બાદ એવું માનવામાં આવી રહ્યું છે કે અમેરિકા અને ઈરાન વચ્ચે ચાલી રહેલો યુદ્ધવિરામ હવે સમાપ્ત થઈ ગયો છે. આ દરમિયાન એવી આશંકા વ્યક્ત કરવામાં આવી રહી છે કે અમેરિકા ફરી એકવાર ઈરાન પર હુમલા શરૂ કરી શકે છે.

અમેરિકી રાષ્ટ્રપતિ ડોનાલ્ડ ટ્રમ્પે પહેલા જ નૌકાદળને ઈરાની યુદ્ધ જહાજો પર હુમલો કરવાનો આદેશ આપી દીધો છે.યુએસ સેન્ટ્રલ કમાન્ડના કમાન્ડર એડમિરલ બ્રાડ કૂપરે સોમવારે એક ટેલિફોનિક ન્યૂઝ કોન્ફરન્સ દરમિયાન પત્રકારોને જણાવ્યું હતું કે, હોર્મુઝની સામુદ્રધુનીમાં નાગરિક જહાજોને નિશાન બનાવી રહેલી ઈરાનની છ નાની નૌકાઓને અમેરિકી સૈન્યના હેલિકોપ્ટરોએ ડુબાડી દીધી છે.યુએઇના સંરક્ષણ મંત્રાલયે જણાવ્યું હતું કે ઇરાને ચાર ક્‰ઝ મિસાઇલો છોડ્યા હતા.

જેમાંથી ત્રણ તોડી પડાયા હતા અને એક મિસાઇલ દરિયામાં પડી હતી. અમેરિકન સૈન્યએ સોમવારે ટ્રાફિક પુનઃસ્થાપિત કરવાની નવી પહેલ શરૂ કર્યા બાદ અમેરિકી ધ્વજ ધરાવતા બે વ્યાપારી જહાજોએ સફળતાપૂર્વક હોર્મુઝની ખાડી પસાર કરી હોવાનું જાહેર કર્યા પછી આ હુમલાઓ થયા હતા.

આ ખાડી પર ઈરાનના વર્ચસ્વને તોડવાથી વૈશ્વિક આર્થિક ચિંતાઓ હળવી થશે અને ઇરાનનો પ્રભાવ પાડવાનો એક મોટો સ્ત્રોત છીનવાઈ જશે. પરંતુ આવા પ્રયાસોથી ફરીથી એવા પાયાના યુદ્ધ ફાટી નીકળવાનું જોખમ પણ રહેલું છે.પૂર્વી અમીરાત ફુજૈરાહના અધિકારીઓએ જણાવ્યું હતું કે, ઈરાની ડ્રોનને કારણે તેલના એક મુખ્ય એકમ પર આગ લાગી હતી, જેમાં ત્રણ ભારતીય નાગરિકો ઘાયલ થયા હતા.

બ્રિટિશ સૈન્યએ યુએઈના દરિયાકાંઠે બે માલવાહક જહાજોમાં આગ લાગી હોવાના અહેવાલ આપ્યા છે. અમેરિકન સૈન્યના સેન્ટ્રલ કમાન્ડે જણાવ્યું હતું કે, અમેરિકી ધ્વજ ધરાવતા બે વ્યાપારી જહાજો હોર્મુઝની ખાડી પસાર કર્યા પછી “તેમની સફર પર સુરક્ષિત રીતે આગળ વધી રહ્યા છે”. તેમાં વધુમાં જણાવવામાં આવ્યું છે કે પર્શિયન ગલ્ફમાં નૌકાદળના ગાઈડેડ-મિસાઈલ વિનાશક જહાજો ટ્રાફિક પુનઃસ્થાપિત કરવામાં મદદ કરી રહ્યા છે.

એક્સ પર આપેલા નિવેદનમાં જણાવાયું હતું કે યુએસના જહાજોએ પણ ખાડી પસાર કરી હતી. જોકે, નૌકાદળના જહાજો ક્યારે આવ્યા અથવા વ્યાપારી જહાજો ક્યારે રવાના થયા તે અંગે કોઈ ચોક્કસ સમય જણાવવામાં આવ્યો નથી.SS1MS