ગુજરાતને ડ્રગ્સનું ગેટવે બનાવવા માંગે છે ડ્રગ્સ માફિયાઓઃ બ્રાઝીલથી આવ્યું 1 હજાર કરોડનું કોકેઈન

ATS-કોસ્ટગાર્ડનું ઓપરેશનઃ કચ્છના દરિયામાંથી ૧ હજાર કરોડનું કોકેઈન ઝડપાયું-બ્રાઝિલથી લેટિન અમેરિકા, મેક્સિકો, અમેરિકા, કરાચી થઈ જહાજ ગુજરાતના દરિયાકાંઠે પહોંચ્યુ 

કચ્છ, કચ્છમાં ફરી નશાનો સામાન ઝડપાયો છે. એસટીએસ, કોસ્ટગાર્ડ અને કસ્ટમ વિભાગની ટીમે મળીને આ આંતરરાષ્ટ્રીય ડ્રગ્સ રેકેટનો પર્દાફાશ કર્યો છે, જેમાં બ્રાઝીલથી ભારતમાં લાવવામાં આવેલો મોટો જથ્થો જપ્ત કરવામાં આવ્યો છે.

આ કાર્યવાહીથી ડ્રગ્સ માફિયાઓના નેટવર્કને મોટો ઝટકો લાગ્યો છે. કચ્છના દરિયામાં નશાના સોદાગરો સામે એટીએસે મોટી સફળતા મેળવી છે. મધ દરિયે ચાલી રહેલા સંયુક્ત ઓપરેશન દરમિયાન અંદાજે ૧ હજાર કરોડ રૂપિયાની કિંમતનું કોકેઈન ઝડપી લેવામાં આવ્યું છે. આ કાર્યવાહી એટીએસ કોસ્ટગાર્ડ અને કસ્ટમ વિભાગની સંયુક્ત ટીમ દ્વારા કરવામાં આવી હતી.

In a major anti-drugs operation, the Gujarat ATS and the Indian Coast Guard jointly seized over 100 kg of cocaine worth around Rs 1,000 crore off the Kutch coast after intercepting a European vessel reportedly linked to Port Qasim in Pakistan.

#Kutch
કચ્છના દરિયાકાંઠે થી 118 કિલો કોકેઈન ડ્રગ્ઝનો જથ્થો જપ્ત કર્યો

મુંદરા નજીક યુરોપ નામના શીપને આંતરી ATS, કોસ્ટગાર્ડ અને પશ્ચિમ કચ્છ SOGની સંયુક્ત કાર્યવાહી, કોકેઈનનો જથ્થો બ્રાઝિલથી લોડ કર્યો હતો..

બ્રાઝિલથી લેટિન અમેરિકા, મેક્સિકો, અમેરિકા, કરાચી થઈ જહાજ ગુજરાત… pic.twitter.com/nEyCX4kaJg

— Benefit News 24 (@BenefitNews24) May 28, 2026

મળતી માહિતી મુજબ, ૧૧૫ કિલો કોકેઈનનો જથ્થો વિદેશથી ભારતમાં લાવવામાં આવ્યો હતો અને તેને દિલ્હી પહોંચાડવાની યોજના હતી. પ્રાથમિક તપાસમાં ખુલાસો થયો છે કે, આ ડ્રગ્સ બ્રાઝીલથી લોડ કરવામાં આવ્યું હતું અને કરાંચી મારફતે દરિયાઈ માર્ગે લાવવામાં આવી રહ્યું હતું.

યુરોપના એમએસસી નામના જહાજમાંથી પણ મોટા પ્રમાણમાં ડ્રગ્સ ઝડપાયું છે. મધ દરિયે શિપને અટકાવીને સઘન સર્ચ ઓપરેશન હાથ ધરવામાં આવ્યું હતું. ૨૬ તારીખે વહેલી સવારે આ કાર્યવાહી કરવામાં આવી હતી. આ ઓપરેશનમાં અંદાજે ૧૧૦ કિલો ડ્રગ્સ જપ્ત કરવામાં આવ્યું હોવાનું જણાવાયું છે. તપાસ દરમિયાન સેટેલાઇટ ફોન પણ મળી આવ્યા છે, જે આંતરરાષ્ટ્રીય ડ્રગ્સ નેટવર્કની સંડોવણી તરફ ઈશારો કરે છે.

આ કાર્યવાહી દરમિયાન એટીએસ દ્વારા ૩ આરોપીઓની અટકાયત કરવામાં આવી છે. એક આરોપી દરિયામાં કૂદી ગયો હતો જ્યારે અન્ય બે નાઈજીરિયન શખ્સોની ધરપકડ કરવામાં આવી છે.

માહિતી મુજબ, જુમા નાસીર ઓમાર નામના શખ્સને બોટમાંથી ઝડપવામાં આવ્યો છે. ઉપરાંત દિલ્લી સાથે જોડાયેલા બે વ્યક્તિઓ—કેÂલ્વન ચુકવામા અને બ્યારુહંગા જેમ્સની પણ ધરપકડ કરવામાં આવી છે, જે ડ્રગ્સની ડિલિવરી લેવા આવવાના હતા.

તપાસમાં ખુલાસો થયો છે કે ડ્રગ્સ બ્રાઝીલથી લાવવામાં આવ્યું હતું અને મોટા જહાજમાંથી નાની બોટમાં ટ્રાન્સફર કરવાની યોજના હતી. આ સમગ્ર નેટવર્ક આંતરરાષ્ટ્રીય સ્તરે ફેલાયેલું હોવાનું માનવામાં આવે છે.

કસ્ટમ વિભાગની ટીમ પણ આ સર્ચ ઓપરેશનમાં જોડાઈ હતી અને સમગ્ર મામલે તપાસ વધુ તેજ કરવામાં આવી છે. આ મામલે રાજ્યના ગૃહમંત્રી હર્ષ સંઘવીએ સોશિયલ મીડિયા પોસ્ટ મારફતે પ્રતિક્રિયા આપી છે કે ગુજરાતને ડ્રગ્સનું ગેટવે બનવા દેવામાં નહીં આવે.

આ અગાઉ પણ કચ્છના મુન્દ્રા વિસ્તારમાંથી લગભગ ૨૦૦ કરોડ રૂપિયાની કિંમતનો ડ્રગ્સનો જથ્થો ઝડપાયો હતો. આ વખતે ફરી એકવાર મધ દરિયે મોટી કાર્યવાહીથી ડ્રગ્સ માફિયાઓના નેટવર્કને મોટો ઝટકો આપ્યો છે.આ સમગ્ર કેસમાં વધુ તપાસ ચાલી રહી છે અને આગામી દિવસોમાં વધુ ખુલાસા થવાની શક્્યતા છે.

ડીજીપી ડો. કે.એલ.એન.રાવે કહ્યું હતું કે, પાણીમાં નાંખેલી પાંચ થેલીઓ પણ તપાસમાં મળી આવી છે. આ થેલીઓમાં કોકેઈન ભરેલું હતું. કસ્ટમ્સની ટીમ પણ તપાસમાં જોડાઈ હતી. આ કોકેઈન બોટમાં બ્રાઝિલથી લોડ કરાયું હતું. જેને દિલ્હીમાં ડીલીવર કરવાનું હતું. પોલીસની તપાસ દરમિયાન એક વ્યક્તિ દરિયામાં કૂદી ગયો હતો. જ્યારે બે શખ્સોને ઝડપી લેવાયા હતાં. આ ઘટનામાં કૂલ ત્રણ વ્યક્તિઓની ધરપકડ કરાઈ છે.