બ્રેકઅપ થતા યુવકે Ex ગર્લફ્રેન્ડના અશ્લીલ વીડિયો વેબસાઈટ પર અપલોડ કરી દીધા
files Photo
અમદાવાદ : આજનો યુવાઓ પ્રેમમાં પડ્યા બાદ ઘણીવાર સાચા-ખોટાનું ભાન ભૂલી જતા હોય છે. ક્યારેક પ્રેમમાં જ વધારે આગળ વધીને તમામ હદોને પાર કર્યા બાદ પાછળથી મોટી મુશ્કેલીમાં મુકાઈ જાય છે. એવામાં યુવાઓ માટે આંખ ઉઘાડતો એક કિસ્સો સામે આવ્યો છે. જેમાં એક યુવતીએ પોતાના બોયફ્રેન્ડ સાથે બ્રેકઅપ કરી લેતા યુવકે તેમના અંગતપળોના વીડિયોને પોર્ન સાઈટ પર અપલોડ કરી દીધા. ઘટના સામે આવ્યા બાદ યુવતીએ સાઈબર સેલમાં ફરિયાદ નોંધાવી હતી.
બુધવારે શહેર પોલીસના સાઈબર સેલ વિભાગે પોતાની એક્સ ગર્લફ્રેન્ડના અશ્લીલ વીડિયો પોર્ન સાઈટ પર અપલોડ કરનારા આરોપી યુવકને ડિટેઈન કર્યો હતો. આ વીડિયોને ૧૫ જેટલી આવી વેબસાઈટ્સ પર અપલોડ કરી દેવાયા હતા. સાઈબર સેલના સૂત્રોએ જણાવ્યું કે, તેઓ આ સાઈટ્સ પરથી વીડિયોને હટાવવા માટેના પ્રયાસો કરી રહ્યા છે. ડેપ્યુટી કમિશનર ઓફ પોલીસ રાજદીપસિંહ ઝાલાએ કહ્યું કે, યુવતી અને આરોપી બંને રિલેશનશીપમાં હતા. આ દરમિયાન તેણે બંનેની અંગત પળોનો વીડિયો ઉતારી લીધો હતો. જ્યારે તેમનું બ્રેકઅપ થયું તો યુવકે વીડિયોને પોર્નોગ્રાફીક વેબસાઈટ પર અપલોડ કરી દીધો.
પોલીસના સૂત્રોએ જણાવ્યું કે, યુવતીએ આરોપીનું એડ્રેસ આપ્યા બાદ તેઓ તેના ઘરે ગયા અને તેને કસ્ટડીમાં લઈ લીધો. પૂછપરછ દરમિયાન આરોપી યુવકે જ વીડિયોને પોર્નસાઈટ પર અપલોડ કર્યા હોવાનું કબૂલ્યું હતું. ડિએસપી ઝાલાએ કહ્યું, આરોપી ઈલેક્ટ્રોનિક્સ એન્ડ ટેલિકોમ્યુનિકેશન્સ એન્જિનિયર છે અને શહેરની પ્રાઈવેટ કંપનીમાં ઈવેન્ટ મેનેજર તરીકે કામ કરે છે.
