કરીના દીકરાના ચહેરા પરથી નજર હટાવી શકતી નથી

મુંબઈ: બોલિવુડ એક્ટ્રેસ કરીના કપૂર હાલ પોતાના નવજાત દીકરા સાથે સમય પસાર કરી રહી છે. બીજા બાળકના જન્મ બાદ પણ તે સોશિયલ મીડિયા પર ખૂબ એક્ટિવ રહે છે. હવે કરીનાએ એક તસવીર શેર કરી છે. જેમાં માત્ર તે દેખાઈ રહી છે પરંતુ તેનો દીકરો દેખાઈ રહ્યો નથી. આ તસવીર પરથી અંદાજાે લગાવી શકાય છે કે, બેબો તેના દીકરાને જાેઈ રહી છે. આ વાત તેણે કેપ્શનમાં પણ કહી છે. કરીનાએ લખ્યું છે કે, ‘હું તેને જાેવાનું બંધ કરી શકતી નથી. કરીના કપૂરની આ પોસ્ટ પર તેની નણંદ સબાએ ‘માશાઅલ્લાહ’ લખ્યું છે તો બેસ્ટ ફ્રેન્ડ મનિષ મલ્હોત્રાએ રેડ હાર્ટ ઈમોજી મૂક્યું છે. બેબોની આ પોસ્ટ પર ફેન્સ પણ ખૂબ કોમેન્ટ કરી રહ્યા છે

તેના દીકરાની ઝલક દેખાડવાની માગ કરી રહ્યા છે. એક ફેને લખ્યું છે કે, ‘પ્લીઝ તેની તસવીર શેર કર’. તો અન્ય ફેને લખ્યું છે કે, ‘અમને તારા પ્રેમાળ દીકરાને દેખાડ. આ પહેલા કરીના કપૂરે મહિલા દિવસ પર તેના બીજા દીકરા સાથેની તસવીર શેર કરી હતી. તેણે જે તસવીર શેર કરી હતી

તેમાં ‘બેબી પટૌડી’નો ચહેરો દેખાઈ રહ્યો નહોતો. આ સાથે તેણે લખ્યું હતું કે, ‘એવુ કંઈ નથી જે મહિલાઓ કરી શકતી નથી. મહિલા દિવસની હાર્દિક શુભકામના. કરીના કપૂર અને સૈફ અલી ખાનને ત્યા ૨૧ ફેબ્રુઆરીએ બીજા દીકરાનો જન્મ થયો હતો. તેમને પહેલાથી જ તૈમૂર નામનો દીકરો છે. જે ચાર વર્ષનો છે. ગયા વર્ષના ઓગસ્ટ મહિનામાં કપલે બીજી વખતની પ્રેગ્નેન્સીની જાણકારી આપી હતી. બીજા બાળકના જન્મ પહેલા સૈફ અને કરીના તેમના નવા ઘરમાં શિફ્ટ થયા હતા.

કપલના નવા ઘર વિશે માહિતી આપતા ઈન્ટિરિયર ડિઝાઈનર દર્શિની શાહે અમારા સહયોગી બોમ્બે ટાઈમ્સને જણાવ્યું હતું કે, ‘ફોર્ચ્યુન હાઈટ્‌સમાં આવેલા ઘરની જેમ નવા ઘરમાં પણ લાઈબ્રેરી, આર્ટવર્ક, કેન્ડલ અને ફર્નિચર છે. બાળક માટે નર્સરી છે અને તૈમૂર પણ મોટો થઈ રહ્યો છે ત્યારે તેનું પણ ધ્યાન રાખવામાં આવ્યું છે. જૂના ઘર કરતાં આ ઘર મોટુ છે. જેમાં વિશાળ જગ્યાની સાથે-સાથે સુંદર છત, સ્વિમિંગ પૂલ, આઉટડોર એરિયા પણ છે. દરેક વ્યક્તિ માટે અલગ રૂમ છે’.