આકાંક્ષાએ સિંગર મીકા સિંહના ઘરે યોજાયલા ‘અખંડ પાઠ’ વીડિયો પોસ્ટ કર્યો
મુંબઈ: સિંગર મીકા સિંહે તેના ઘરે ‘અખંડ પાઠ’નું આયોજન કર્યું હતું અને તેણે આ માટે આકાંક્ષા પુરીને આમંત્રિત કરી હતી. આકાંક્ષાએ ઈન્સ્ટાગ્રામ પર વીડિયો પોસ્ટ કર્યો હતો અને બાદમાં બંને એકબીજાને ડેટ કરી રહ્યા હોવાની વાતે જાેર પકડ્યું હતું. અમારા સહયોગી એ જ્યારે આ અંગે આકાંક્ષા પુરીને પૂછ્યું તો તેણે કહ્યું કે, ‘તો તે અખંડ પાઠ હતો, જે મીકા સિંહે તેના ઘરે રાખ્યો હતો.
આ પાઠ સકારાત્મકતા અને સારા ભવિષ્ય માટે કરવામાં આવે છે. આકાંક્ષાએ વધુમાં કહ્યું કે, ત્યાં ત્યાં માત્ર આશીર્વાદ લેવા માટે ગઈ હતી, પરંતુ લોકો કંઈક અલગ જ ધારવા લાગ્યા. આ દિવસે વળી એપ્રિલ ફૂલ ડે પણ હતો, તેથી લોકોને લાગ્યું કે અમે પ્રેંક કરી રહ્યા છે. પરંતુ તે ખરેખર મીકાના ઘરમાંથી લીધેલી તસવીરો અને વીડિયો હતો. હું અને મીકા એકબીજાને ૧૨ વર્ષથી ઓળખીએ છીએ. તે મારા માટે પરિવાર જેવો છે.
તે હંમેશા મારી સાથે રહ્યો છે અને અમારું બોન્ડિંગ પણ સારું છે. પરંતુ, સાચેમાં અમે સગાઈ નથી કરી કે એવો કોઈ પ્લાન પણ નથી. આકાંક્ષાએ જણાવ્યું કે, ઈન્સ્ટાગ્રામ પર લોકોની કોમેન્ટ્સ વાંચ્યા બાદ તે અને મીકા ખૂબ હસ્યા હતા. ‘શરુઆતમાં, અમે આ કોમેન્ટ્સ પર હસ્યા હતા પરંતુ હવે ફેન્સે ગિફ્ટ, ફ્લાવર અને કેક મોકલવાનું શરુ કરી દીધું છે તેથી મને સ્પષ્ટતા કરવાનું ઉચિત લાગ્યું.
મને ખબર છે, કે અમારા ફેન્સ અમને સાથે જાેવા માગે છે પરંતુ સોરી તેવું કંઈ થઈ રહ્યું નથી. તે કોઈ સોન્ગ શૂટનું નથી, ન તો કોઈ પ્રેંક છે તે માત્ર અખંડ પાઠની તસવીરો અને વીડિયો હતા. બે દિવસ પહેલા આકાંક્ષાએ એક વીડિયો શેર કર્યો હતો, જેમાં પૂજા-પાઠ થતાં દર્શાવાયા હતા.
વીડિયોમાં આકાંક્ષા અને મીકા એકબીજાને અડીને બેઠા હતા અને વીડિયોના કેપ્શનમાં લખ્યું હતું કે, ‘આશીર્વાદ લઈ રહ્યા છીએ’. આ સાથે તેણે મીકાને ટેગ કર્યો હતો અને બાજુમાં હાર્ટ ઈમોટીકોન મૂક્યું હતું. મીકા સિંહની વાત કરીએ તો, ભૂતકાળમાં તેનું નામ ઘણી હીરોઈનો સાથે જાેડાઈ ચૂક્યું છે. જ્યારે આકાંક્ષા પુરી બિગ બોસ ૧૩ ફેમ પારસ છાબડા સાથે રિલેશનશિપમાં હતી, જેનો ખૂબ ખરાબ અંત આવ્યો હતો.
