ફિલ્મમાં કામના બદલામાં ડિરેક્ટરે શરત મૂકી હતી
મુંબઈ: બોલિવૂડ અને ટીવી સીરીયલની એક્ટ્રેસ પ્રાચી દેસાઈએ કાસ્ટિંગ કાઉચ બાબતે ચોંકાવનારા ખુલાસા કર્યા છે. પ્રાચી દેસાઈએ જણાવ્યું કે તેમને એક મોટી ફિલ્મમાં કામના બદલામાં કોમ્પ્રોમાઈઝ કરવાનું કહેવામાં આવ્યુ હતુ. પ્રાચી દેસાઈએ એક વેબ પોર્ટલ સાથેની વાતચીત દરમિયાન પોતાની સાથે થયેલા આ અનુભવ વિષે જણાવ્યુ હતું.
પ્રાચીએ જણાવ્યું કે, મને એક ઘણી મોટી ફિલ્મની ઓફર મળી હતી. જાે કે, રોલ મેળવવા માટે મને કોમ્પ્રોમાઈઝ કરવાનું કહેવામાં આવ્યું, જેથી મે ફિલ્મ કરવાની સ્પષ્ટપણે ના પાડી દીધી હતી. મારા ઈનકાર પછી પણ ડિરેક્ટરે મને ફોન કર્યો. મેં ડિરેક્ટરને સ્પષ્ટપણે કહ્યું કે હું તમારી ફિલ્મ કરવા નથી માંગતી. બોલિવૂડના બહુચર્ચિત વિષય નેપોટિઝમ પર પોતાનું મંતવ્ય વ્યક્ત કરતાં તેણે જણાવ્યું કે, બોલિવૂડમાં નેપોટિઝમ છે.
જાે કે, હું ખુશ છું કે ઓટીટી પ્લેટફોર્મ જેવા વિકલ્પો છે. મારી પાસે હમણાં બે રસપ્રદ ડિજિટલ પ્રોજેક્ટ્સ છે. ઉલ્લેખનીય છે કે, પ્રાચીએ તાજેતરમાં જ ઓટીટી પ્લેટફોર્મ પર ડેબ્યુ કર્યું છે. તે સાઈલન્સ- કેન યુ હિયર ઈટ નામની ફિલ્મમાં દેખાઈ હતી. ફિલ્મમાં તેની સાથે મનોજ બાજપેયી પણ હતા. ફિલ્મમાં પ્રાચીએ એક પોલીસ ઓફિસરનો રોલ કર્યો હતો. પ્રાચી દેસાઈએ પોતાના કરિયરની શરૂઆત ટીવી સીરિયલ કસમ સેથી કરી હતી. પ્રાચીએ વર્ષ ૨૦૦૮માં ફરહાન અખ્તર સાથે ફિલ્મ રૉક ઓનથી બોલિવૂડમાં એન્ટ્રી કરી હતી. આખરે તે ૨૦૧૬માં ફિલ્મ અઝહરમાં દેખાઈ હતી, જે એક બાયોપિક ફિલ્મ હતી અને ઈમરાન હાશ્મી તેનો કો-સ્ટાર હતો.
