દિવ્યાંકા ત્રિપાઠીએ સુરજ હુઆ મધમ ઉપર ડાન્સ કર્યો
મુંબઈ: અભિનવ શુક્લા, શ્વેતા તિવારી, સના મકબુલ, આસ્થા ગિલ, રાહુલ વૈદ્ય, વરુણ સૂદ, નિક્કી તંબોલી અને દિવ્યાંકા ત્રિપાઠી દહીયા હાલ કેપટાઉનમાં સ્ટંટ રિયાલિટી શો ‘ખતરો કે ખિલાડી ૧૧’નું શૂટિંગ કરી રહ્યા છે. આ દરમિયાન તેઓ મસ્તી પણ ખૂબ કરી રહ્યા છે. હાલમાં જ શોની કન્ટેસ્ટન્ટ આસ્થા ગિલે કેકેકે ૧૧ના સેટ પર શું થઈ રહ્યું છે તેની ઝલક ફેન્સે દેખાડી હતી. તેણે ઈન્સ્ટાગ્રામ સ્ટોરીમાં કેટલાક વીડિયો શેર કર્યા હતા, જેમાં ફોટોગ્રાફર બનેલો અભિનવ શુક્લા દરિયા કિનારે સના મકબુલની તસવીરો ક્લિક કરતો જાેવા મળ્યો હતો.
વીડિયોમાં આસ્થા કહી રહી છે કે, ‘અહીંયા આ લોકોનું કંઈક અલગ જ ચાલી રહ્યું છે. સના કિનારી પર ઉભી છે અને થોડી હવા આવી તો આ છોકરી પાણીમાં પડશે. બીજી તરફ, આસ્થા પોતાનો કેમેરા દિવ્યાંકા ત્રિપાઠી તરફ ફેરવે છે જે રેડ રફલ સાડીમાં ‘બિગીની’ શૂટ કરાવી રહી છે. શૂટમાં કોન્ટ્રાસ્ટને જાેતાં આસ્થા ‘સૂરજ હુઆ મધ્મ’ સોન્ગ ગાવા લાગે છે. તો સામે દિવ્યાંકા પણ તેના પર ડાન્સ કરવા લાગે છે.
ઉલ્લેખનીય છે કે, એક ઈન્ટરવ્યૂમાં દિવ્યાંકા ત્રિપાઠીએ ખુલાસો કર્યો હતો કે, તે બિકીનીમાં એટલા માટે ફોટો શેર નથી કારણ કે, તેને અજીબ લાગે છે તેમજ થોડી શરમ પણ આવે છે. ‘કારણ એ જ છે કે, હું થોડી શર્મિલી છું. મને સ્વિમસૂટ અથવા બિકીની પહેરવામાં ખૂબ શરમ આવે છે, જેના કારણે હું સ્વિમિંગ શીખી શકતી નહોતી. મને તેમાં ખૂબ અજીબ લાગે છે.
આ કરતા પહેલા મારે ઘણી હિંમત એકઠી કરવી પડશે. જે છોકરીઓ આવી સુંદર તસવીરો શેર કરે છે, તેમનામાં ખરેખર હિંમત હશે’. ખતરો કે ખિલાડી ૧૧’ના કન્ટેસ્ટન્ટ્સે ભલે અત્યારસુધીમાં એકપણ વખત સાથે કામ ન કર્યું હોય પરંતુ શો શરુ થાય તે પહેલા જ તેમની વચ્ચે સારી મિત્રતા બંધાઈ ગઈ છે. મુંબઈથી કેપટાઉન જતી વખતે તેમણે ફ્લાઈટમાં પણ ખૂબ મસ્તી કરી હતી.
જેની તસવીરો અને વીડિયો સોશિયલ મીડિયા પર ખૂબ વાયરલ થયા હતા. આ સિવાય કેપટાઉન પહોંચીને સૌથી પહેલું કામ સેલેબ્સે કંઈ કર્યું હોય તો તે હતી શોપિંગ. બધા કન્ટેસ્ટન્ટ્સનું જે પ્રકારનું બોન્ડિંગ છે તેને જાેઈને શો જાેવાની મજા આવશે તેમ લાગી રહ્યું છે.
