સુરત મનપાએ પ્રિ-મોન્સૂન કામગીરી શરૂ કરી, જવાનોને ટ્રેનિંગ અપાઈ
સુરત, સુરત કોર્પોરેશન દ્વારા વરસાદ આવે તે પહેલા શહેરમાં પાણી ભરાવાના સમયે કરવામાં આવતી કામગીરીને લઈને તૈયારી શરૂ કરી દેવામાં આવી છે. ફાયરની ટીમ દ્વારા રેસ્કયુ બોટ, ટ્વીન બોટ, ઈમરજન્સી રેસ્કયૂ વ્હિકલ વગેરેનું ટેસ્ટિંગ કરવામાં આવ્યું હતું.
ઈમર્જન્સીની પરિસ્થિતિમાં રેસ્કયૂની કામગીરી કેવી રીતે કરવી તે અંગેની ટ્રેનિંગ પણ ફાયર જવાનોને સિનિયર અધિકારીઓ દ્વારા આપવામાં આવી હતી. સમયાંતરે સુરત શહેરમાં ચોમાસા દરમિયાન પૂરની સ્થિતિ બની જતી હોય છે. તેવા સમયે નીચાણવાળા વિસ્તારોમાં પાણી ભરાઈ જતા સ્થાનિક લોકોના રજૂ કરવાની ફરજ પડતી હોય છે.
ગંગેશ્વર મહાદેવ રોડ, રંગીલા સર્કલ અને જહાંગીરપુરા ઈન્ટેકવેલ તરફ ફાયર વિભાગ દ્વારા તાપી નદીની અંદર ટ્રેનિંગનું આયોજન કર્યું હતું. ૩૦ જેટલા ફાયર વિભાગના જવાનો જાેડાયા હતા. બોટ ટેસ્ટિંગ કરીને જવાનોને તમામ ફાયરના સાધનોની માહિતગાર કર્યા હતા.
તાપી નદીમાં તમામ બોટનું ચેકિંગ હાથ ધરવામાં આવ્યું હતું સાથે સાથે અધિકારીઓએ ફાયર વિભાગના જવાનોને તમામ પરિસ્થિતિમાં કેવી રીતે કામગીરી કરવાની છે તે અંગે પણ સૂચના આપી હતી. ફાયર ઓફિસર એસ.ડી.ધોબી જણાવ્યું કેચોમાસુ શરૂ થાય તે પહેલા જ ફાયર વિભાગની ટીમ તમામ સાધનો સાથે સજ્જ થઈ ગઈ છે. સાધનોનું ટેસ્ટિંગ કરવું ખૂબ જરૂરી છે. તેમજ જવાનોને રેસ્કયૂ વ્હિકલનો ઉપયોગ યોગ્ય રીતે કરી શકે.
