સરકારી ઔધોગિક તાલીમ સંસ્થા ધોળકા નોડલ ખાતે  પ્રવેશ પ્રક્રિયા શરૂ કરવામાં આવી

સરકારી આઇટીઆઇ ધોળકા નોડલ અને તેની તાબા હેઠળની સંસ્થાઓ જેવી કે ધોળકા (મુજપુર), બાવળા, ધંધુકા, ધોલેરા ખાતે વર્ષ-૨૦૨૧-૨૨ માટે પ્રવેશ પ્રક્રિયા શરૂ કરવામાં આવી છે. જેમાં સંસ્થા ખાતે જુદા જુદા વ્યવસાયોમાં પ્રવેશ આપવાનુ ચાલું છે.

ઓનલાઇન એડમિશન ફોર્મ http://itiadmission.gujarat.gov.in વેબસાઈટ પર તા.૦૨/૦૮/૨૦૨૧ સુધી ભરી શકાશે, તથા ૦૭/૦૮/૨૦૨૧ ના રોજ મેરિટ જાહેર થશે. દરેક વિદ્યાર્થીઓને પ્રવેશ આપવા અંગેની જાણ  SMS થી કરવામાં આવશે. રૂબરૂ સંપર્ક કરવા માટે  ખેડા-બગોદરા હાઈવે, ક્રિષ્નવાટિકા સોસાયટી સામે, મધીયા ચોકડે, મુજ્પુર રોડની આઇટીઆઇ ધોળકા ખાતે સવારે ૧૦ થી સાંજના ૫ કલાક સુધી આવી શકાશે. તેમ આઇટીઆઇ  ધોળકા આચાર્યશ્રીની એક અખબારી યાદીમાં જણાવાયુ છે.