રાજસ્થાન સરકાર અકસ્માતમાં ઘાયલોને હોસ્પિટલમાં લઈ જનારને ઈનામ આપશે

જયપુર, ઘણી વખત માર્ગ અકસ્માતમાં ઘાયલ થયેલા સમયસર સારવાર નહિ મળવાને કારણે પોતાનો જીવ ગુમાવે છે. ત્યાંથી પસાર થતા લોકો સ્થળ પર ઉભા રહી વીડિયો બનાવે છે, પરંતુ ઘાયલોને હોસ્પિટલમાં લઈ જવાનું કામ મોટા ભાગે ટાળે છે. ઘણી વખત કોઈ એમ્બ્યુલન્સ અથવા પોલીસને કહે છે, પરંતુ કોઈ પણ ઝઘડાથી બચવા માટે, ઘાયલ લોકોને હોસ્પિટલ લઈ જતા નથી.

આવી સ્થિતિમાં રાજસ્થાનની અશોક ગેહલોત સરકારે નવી પહેલ કરી છે. કોંગ્રેસ સરકાર એક સ્કીમ લાવી છે જે અંતર્ગત ઘાયલોને વહેલી તકે હોસ્પિટલમાં લઈ જનાર વ્યક્તિને ૫૦૦૦ રૂપિયાનું ઈનામ અને પ્રમાણપત્ર આપી સન્માનિત કરવામાં આવશે.

ઉલ્લેખનીય છે કે રાજસ્થાનના સીએમ અશોક ગેહલોતે મુખ્યમંત્રી ચિરંજીવી જીવન યોજના શરૂ કરી છે, જેનો ઉદ્દેશ ઘાયલ દર્દીઓના જીવન બચાવવાનો છે. હોસ્પિટલમાં ઘાયલ વ્યક્તિની સારવાર માટે આ યોજના હેઠળ મદદ કરનાર વ્યક્તિ પાસેથી કોઈ પૈસા લેવામાં આવશે નહીં. જાે કે, ઇનામની રકમ ત્યારે જ ઉપલબ્ધ થશે જ્યારે અકસ્માતમાં ઘાયલ વ્યક્તિની સ્થિતિ નાજુક હોય.

જે વ્યક્તિ ગંભીર રીતે ઘાયલ નથી તેને મદદ કરનાર વ્યક્તિને પ્રમાણપત્ર આપવામાં આવશે. સરકારી એમ્બ્યુલન્સ, ખાનગી એમ્બ્યુલન્સ સ્ટાફ, પીસીઆર વાન અને ફરજ પરના પોલીસ કર્મચારીઓ અને ઘાયલ વ્યક્તિના સંબંધીઓને આ યોજના હેઠળ પુરસ્કારની રકમ આપવામાં આવશે નહીં.

આ યોજનાનો લાભ મેળવનાર વ્યક્તિએ તેની સંપૂર્ણ માહિતી હોસ્પિટલમાં તૈનાત કેઝ્‌યુઅલ્ટી મેડિકલ ઓફિસરને આપવાની રહેશે.ત્યાં તે વ્યક્તિએ પોતાનું નામ, સરનામું, મોબાઈલ નંબર અને બેંક ખાતા નંબર આપવાના રહેશે.

સીએમઓના રિપોર્ટ પર ર્નિણય લેવામાં આવશે કે વ્યક્તિ ગંભીર રીતે ઘાયલ થયો છે કે નહીં અને તેને તાત્કાલિક સારવારની જરૂર છે કે નહીં? રિપોર્ટ તૈયાર કરશે અને ડાયરેક્ટર (જાહેર આરોગ્ય) ને મોકલશે, તેના આધારે એવોર્ડ આપવામાં આવશે.HS