ખેડામાં ચંદન ચોરીના ગુનામાં વોન્ટેડ આરોપી ઝડપાયો
(તસ્વીરઃ સાજીદ સૈયદ, નડિયાદ) પોલીસ અધિક્ષક ખેડા-નડીયાદનાઓ તરફથી ખેડા જીલ્લામા પેરોલ, ફર્લો, વચગાળાના જામીન ઉપરથી ફરાર તેમજ પોલીસ જાપ્તામાંથી ફરાર અને જેલ ફરારી કેદીઓને પકડવા માટે તમેજ જીલ્લા અને જીલ્લા બહારના નાસતા ફરતા આરોપી પકડવા માટે ખાસ આદેશ આપવામાં આવેલ
જેમાં સ્થાનિક પોલીસની તેમજ એલ.સી.બી./એસ.ઓ.જી./પેરોલ ફર્લો સ્કોડની અલગ-અલગ ટીમો બનાવી દિવસે તેમજ રાત્રીના સમયે અસરકારક પેટ્રોલીંગ કરી તેઓના રહેણાંક તેમજ મળી આવવાના સ્થળોએ તપાસ કરી મળી આવે કાયદેસર કરવા ખાસ સુચના આપેલ
જે સુચનાની અમલવારીના ભાગરૂપે પો.ઇન્સ.એમ.ડી.પટેલ એલ.સી.બી ખેડા-નડીયાદ નાઓના માર્ગદર્શન હેઠળ પેરોલ ફર્લો સ્કવોર્ડના પો.સ.ઇ.વી.એ.ચારણ નાઓ તથા પેરોલ ફર્લો સ્કવોર્ડના સ્ટાફના એ.એસ.આઇ. અરવિંદસિંહ, હરીશભાઈ, વનરાજસિંહ, વિજયસિંહ તથા ચિંતનકુમાર તથા કાળુભાઇ તથા મહેન્દ્રસિંહ એ રીતેના પોલીસ માણસો ખાનગી વાહનમાં નડીયાદ રૂરલ પો.સ્ટે.વિસ્તારમાં પેટ્રોલીંગમાં હતા.
દરમ્યાન ફરતા-ફરતા પીપલગ ચોકડી પાસે આવતા સાથેના હેડ કોન્સ.વનરાજસિંહ તથા હેડ કોન્સ.વિજયસિંહ તથા પો.કો.મહેન્દ્રસિંહ નાઓને સંયુકત બાતમી હકીકત મળેલ કે એક ગુનામાં નાસતો ફરતો આરોપી ભીખાભાઇ ભનુભાઇ તળપદા વલેટવા ચોકડી પાસે ઉભેલો હતો.
તેને શરીરે આછા ગુલાબી કલરનું આખી બાઇનું શર્ટ તથા કમરના ભાગે કાળા કલરનું શર્ટ પહેરેલ હોવાની ચોક્કસ બાતમી હકીકત મળતા ઉપરોકત પોલીસ માણસો ખાનગી વાહનમાં ઉપરોકત જગ્યાએ જઇ તપાસ કરતા ઉપરોકત વર્ણનવાળો ઇસમ મળી આવતા તેની સામેક કાર્યવાહી હાથ ધરાઈ હતી.
