ધોરાજીમાં દારૂ ભરેલી કાર સાથે બુટલેગર ઝડપાયોઃત્રણ ફરાર

ધોરાજી, ધોરાજીના બહારપુરમાં રોનક સ્કુલની સામે આવેલા ખુલ્લા મેદાનમાં સ્કોર્પિયો કારમાંથી દારૂની હેરાફેરી થતી હોવાની બાતમીના આધારે પોલીસે દરોડો પાડ્યો હતો.

અને ધોરાજીમાં પાંચપીરની વાડી પાસે રહેતા મુસ્તકીમ ઉર્ફે હાજી સમદ ગરાણા નામના બુટલેગરને ઝડપી પાડ્યો હતો. પોલીસે કારની તલાશી લેતા તેમાંથી રૂા.૯૩,૬૦૦ની કિંમતની ૩૧ર બોટલ દારૂનો જથ્થો મળી આવતા પોલીસે દારૂ-બાઈક સ્કોર્પિયો કાર -મોબાઈલ સહિત રૂા.૪.૪૪ લાખનો મુદ્દામાલ કબજે કર્યો હતો.

પોલીસનીે પ્રાથમિક તપાસમાં આ દારૂ પ્રકરણમાં રીફા ફતહુસેન ઉર્ફે ફ્રન્ટી બાપુ ગુલામહેદર કાદરી,ઈમ્તિયાઝ બાપુ, અને સલમાન દિલાવરખાન પઠાણના નામ ખુલતા પોલીસે ત્રણેયની શોધખોળ શરૂ કરી હતી.