મલાઈકાએ પરિવાર અને અર્જુન સાથે ક્રિસમસ મનાવી
મુંબઈ, બોલિવુડ ઈન્ડસ્ટ્રીના તમામ સેલેબ્સે પરિવાર તેમજ મિત્રો સાથે ક્રિસમસનું સેલિબ્રેશન કર્યું હતું. ગયા વર્ષે મલાઈકા અરોરા, તેના માતા-પિતા, અર્જુન કપૂર તેમજ અમૃતા અરોરાના પરિવારે ગોવામાં પર્વની ઉજવણી કરી હતી. જાે કે, આ વખતે તેઓ તમામ મુંબઈમાં છે ત્યારે મલાઈકાના મમ્મીના ઘરે પરિવાર એકઠો થયો હતો.
મલાઈકા અરોરાએ તેના સોશિયલ મીડિયા હેન્ડલ પર મમ્મી-પપ્પા, દીકરા અરહાન અને બહેન અમૃતા સાથેની તસવીર શેર કરી છે. જેમાં એક્ટ્રેસને ખડખડાટ હસતી જાેઈ શકાય છે. આ સિવાય અમૃતા અને અરહાન પણ કોઈ વાત પણ હસી રહ્યા છે. મલાઈકાએ વ્હાઈટ કલરનું શોર્ટ ફ્રોક પહેર્યું છે.
જેમાં બ્લેક અને રેડ કલરની પ્રિન્ટ છે. ફ્રોકમાં તે સુંદર લાગી રહી છે. આ સાથે તેણે લખ્યું છે ‘હાસ્ય, પ્રેમ અને ક્રિસમસ ચારે તરફ’. આ સિવાય અન્ય તસવીરમાં તે ક્રિસમસ ટ્રી પાસે રેડ કલરના આઉટફિટમાં પોઝ આપી રહી છે. મલાઈકા અરોરાએ આ સિવાય ઈન્સ્ટાગ્રામ સ્ટોરીમાં પણ કેટલાક વીડિયો અને તસવીરો શેર કર્યા છે. તેણે તેના પાલતું શ્વાનનો બૂમરેંગ વીડિયો શેર કર્યો છે. જેમાં તેને સાન્તાનું આઉટફિટ પહેરાવવામાં આવ્યું છે.
મમ્મીના ઘરે ક્રિસમસ સેલિબ્રેશનમાં ભોજનમાં શું લીધું તેની ઝલક પણ મલાઈકા અરોરાએ દેખાડી છે. જેમાં કેટલીક યમ્મી કેક તેમજ અન્ય નોન-વેજ તેમજ વેજ આઈટમ જાેવા મળી રહી છે. સેલિબ્રેશનમાં મલાઈકા અરોરાએ બહેન અમૃતા અરોરા સાથે પંજાે લડાવ્યો હતો. તેણે તેનો વીડિયો શેર કર્યો છે.
જેમાં મલાઈકાની જીત થતાં તે ખુશીથી ઉછળી પડે છે અને બેકગ્રાઉન્ડમાં ‘દંગલ’નું ટાઈટલ ટ્રેક વાગી રહ્યું છે. મલાઈકા અરોરના મમ્મીના ઘરે અર્જુન કપૂર અને તેની ફ્રેન્ડ મલ્લિકા ભટ્ટ પણ પહોંચ્યા હતા. એક્ટ્રેસે અર્જુન સાથે એક પણ તસવીર શેર કરી નથી. જાે કે, મલાઈકાના એક ફ્રેન્ડે મલ્લિકા અને અર્જુન સાથેની સેલ્ફી તેના ઈન્સ્ટાગ્રામ સ્ટોરીમાં શેર કરી છે. આ સિવાય તેણે અરોરા સિસ્ટર્સની પણ એક તસવીર પોસ્ટ કરી છે. આ દરમિયાન વર્ક ફ્રંટની વાત કરીએ તો, મલાઈકા અરોરા હાલ ડાન્સ શો ‘ઈન્ડિયાસ બેસ્ટ ડાન્સર ૨’ જજ કરી રહી છે.SSS
