મંદિરા બેદી દુખ ભૂલી ફ્રેન્ડના લગ્નમાં મન મૂકીને નાચી
મુંબઈ, એક્ટ્રેસ મૌની રોય અને મંદિરા બેદીની ફ્રેન્ડશીપ જગજાહેર છે. આ બંને એક્ટ્રેસ એકબીજાથી બહુ નજીક છે જેની ઝલક ઘણીવાર સોશિયલ મીડિયા પર જાેવા મળી જાય છે. હાલમાં મંદિરા બેદી પોતાની બેસ્ટ ફ્રેન્ડ મૌની રોયના લગ્નમાં ગોવા પહોંચી હતી, જ્યાંના ખાસ વીડિયો સોશિયલ મીડિયા પર લોકોને ખૂબ પસંદ આવી રહ્યા છે. મંદિરા બેદીએ પણ ઇન્સ્ટાગ્રામ પર વીડિયો શેર કર્યો છે, જેમાં પ્રી-વેડિંગ સેરેમનીમાં ડાંસ કરતી જાેવા મળી રહી છે.
એક વર્ષ પહેલા જ પતિને ગુમાવી ચૂકેલી મંદિરા બેદીએ પોતાની બેસ્ટ ફ્રેન્ડ મોની રોયની વેડિંગ સેરેમનીના ફોટા પણ ફેન્સ સાથે શેર કર્યા છે. મંદિરાએ શેર કરેલો એક વીડિયો ફેન્સને પસંદ આવી રહ્યો છે. માનવામાં આવે છે કે આ વીડિયો મહેંદી કે હલદી સેરેમેનીનો હશે. આ સાથે મંદિરાએ ઇન્સ્ટાગ્રામ સ્ટોરી પર ઘણા ફોટા શેર કર્યા છે.
જેમાં મૌની રોય-સૂરજ નામ્બિયારના લગ્ન પછીની પાર્ટીના છે. ઉલ્લેખનીય છે કે, ગત વર્ષે મંદિરા બેદીના પતિ રાજ કૌશલનું હાર્ટ એટેકથી નિધન થયું હતું. આ સમયે મૌની રોય મંદિરાને ખૂબ સાથ આપ્યો હતો. આજે મૌની રોયના વેડિંગમાં મંદિરાએ બધા દુખોને બાજુમાં રાખીને લગ્નને યાદગાર બનાવ્યા છે.
એક્ટ્રેસ મૌની રોય અને સૂરજ નામ્બિયારે ૨૭ જાન્યુઆરીએ ગોવામાં લગ્ન કર્યા હતા. તેમણે અહીં બે વાર અલગ-અલગ વિધિસર લગ્ન કર્યા છે. મૌની રોય અને સૂરજ નામ્બિયારે મલયાલી અને બંગાલી રીતિ-રિવાજ મુજબ લગ્ન કર્યા હતા. કપલે આ લગ્ન માટે સબ્યસાચી દ્વારા ડિઝાઇન કરેલા આફટફિટ્સ પસંદ કર્યા હતા.SSS
