સોનમ કપૂરના પતિની શિપીંગ કંપની પર લાગ્યા છે આ ગંભીર આરોપો
મુંબઈ, સોનમ કપૂરના પતિ આનંદ આહુજાએ જાન્યુઆરી ૨૦૨૨માં એક ઈન્ટરનેશનલ શિપિંગ કંપનીની કસ્ટમર સર્વિસ વિરુદ્ધ ટિ્વટ કર્યું હતું. હવે અહેવાલ છે કે, કંપનીએ આનંદ આહુજા પર ઈનવોઈસ સાથે કથિત છેડછાડનો આરોપ મૂક્યો છે.
જણાવી દઈએ કે, આ ઈનવોઈસનો ઉપયોગ કરીને કોઈપણ ટેક્સ અને કસ્ટમ ડ્યૂટી ભરવામાંથી છટકી શકાય છે. કંપનીએ ટિ્વટ કરતાં લખ્યું હતું કે સમસ્યા તેમની સર્વિસમાં નહોતી પરંતુ આનંદ દ્વારા આપવામાં આવેલા ડોક્યુમેન્ટ્સમાં હતી.
હવે કંપનીએ દાવો કર્યો છે કે, આનંદ દ્વારા શેર કરવામાં આવેલા ઈનવોઈસના ભાવ તેમણે મોકલેલી પ્રોડક્ટના વપરાશની તુલનામાં ૯૦ ટકા ઓછા હતા. ટિ્વટમાં લખવામાં આવ્યું છે, ઈનવોઈસમાં છેડછાડ કરવામાં આવી છે, જેથી પ્રોડક્ટની કિંમત માટે જે પેમેન્ટ કરવામાં આવ્યું છે તેમાં ૯૦ ટકા રકમ ઓછી બતાવાઈ છે. જ્યારે અમારી પોલીસી છે કે બધા જ કસ્ટમરની સમસ્યાને સંપૂર્ણપણે સોલ્વ કરવામાં આવે. આ અમારી ફરજ છે.
આનંદ આહુજાએ ૨૭ જાન્યુઆરીએ એક ટિ્વટ કરી હતી. તેમાં લખ્યું હતું, શું કોઈ માયયુએસ શોપહોલિક વિશે જાણે છે? મારો અનુભવ ખૂબ ખરાબ રહ્યો છે. તેઓ સામાનને ખરાબ રીતે હેન્ડલ કરે છે.
ફોર્મલ પેપર વર્ક રિજેક્ટ કરે છે અને વિના કારણ ના પણ પાડી દે છે. આ ટિ્વટ બાદ કંપનીનો જનરેટેડ ટિ્વટ દ્વારા જવાબ આવ્યો. તેમણે અસુવિધા માટે માફી માગી હતી અને કસ્ટમર સર્વિસનો ઉપયોગ કરવાની સલાહ આપી હતી. સાથે જ પ્રોડક્ટ પેકેજિંગ અંગે પણ માફી માગી હતી.
પછી ૧ ફેબ્રુઆરીએ કંપનીનો કાયદેસર જવાબ આવ્યો. તેમણે આનંદ આહુજા ઉપરાંત બે વેબસાઈટને ટેગ કરતાં ત્રણ ટિ્વટ કર્યા હતા. તેમાં લખ્યું, કસ્ટમર સર્વિસ ક્વોલિટી, નવી પોલીસે કે પછી આઈટમ્સને ખોટી રીતે હેન્ડલ કરવાનો કિસ્સો નથી. મિસ્ટર આહુજાએ ઈબે (શોપિંગ સાઈટ) પરથી ખરીદેલા સ્નીકર્સની ખોટી કિંમત જણાવી છે, જેથી તેમને ઓછા રૂપિયા અને ટેક્સ આપવા પડે.
કંપનીએ આગળ દાવો કર્યો છે કે, ઈનવોઈસમાં જે રકમ લખવામાં આવી છે તે ચૂકવેલી રકમ કરતાં ૯૦ ટકા ઓછી છે. કંપનીનું કહેવું છે કે, સાચી જાણકારી આપવી તેમની કાનૂની જવાબદારી છે. માયયુએસ અને આનંદ આહુજા બંને ઈન્ટરનેશનલ એક્સપોર્ટ રૂલ્સને આધીન છે. આપણે તેને ફોલો કરવા જાેઈએ.
કંપનીના આ દાવાઓ પર આનંદે જવાબ આપતાં લખ્યું, આ ખોટા આરોપો લગાવતાં પહેલા તમારે જાેવું જાેઈએ કારણકે તમે જ પીડીએફ રિસિટ અને બેંક સ્ટેટમેન્ટ્સને સ્વીકારવાનો ઈનકાર કર્યો હતો. જેથી તમે મારી પાસેથી રૂપિયા પડાવી શકો. લેટ ફીસ લેવા માટે લાંબા સમય સુધી મારા સામાનને રોકી શકો. જે પણ હોય, હવે બધી જ વસ્તુઓ ત્યાંથી લેવડાવી દીધી છે અને અકાઉન્ટ પણ બંધ કરી દીધું છે.SSS
