મારો આદર્શ નાથુરામ ગોડસે ઉપર વક્તૃત્વ સ્પર્ધા યોજાઈ
નવસારી, ગાંધીના ગુજરાતમાં વલસાડની એક ખાનગી સ્કૂલમાં નથુરામ ગોડસેને આદર્શ બનાવવાની કોશિશ થતા આખો મામલો ગરમાયો છે. સ્કૂલમાં વક્તૃત્વ સ્પર્ધનું આયોજન કરવામાં આવ્યું હતું અને તેનો વિષય ‘મારો આદર્શ નથુરામ ગોડસે’ રાખવામાં આવ્યો હતો, આમ ગુજરાતમાં ગોડસેને હીરો તરીકે ચિતરવા માટે યોજાયેલી વક્તૃત્વ સ્પર્ધા સામે કાર્યવાહી કરવામાં આવી છે.
આ આયોજનમાં ભાગ લેનારી બાળકીને વિજેતા પણ બનાવવામાં આવી છે. જાેકે, હવે આ મામલો વધારે ચર્ચાતા તેના ઘેરા પ્રત્યાઘાત પડી રહ્યા છે. આ મામલે એક્શન લઈને જિલ્લા યુવા રમત-ગમત અધિકારી મિતા ગવલીને સસ્પેન્ડ કરવામાં આવ્યા છે. આ વિષય માટેની પસંદગીની જવાબદારી સ્થાનિક રમત-ગમત અધિકારીની હતી જેના આધારે મિતા ગવલી સામે પગલા ભરવામાં આવ્યા છે.
મળતી વિગતો પ્રમાણે વલસાડના તિથલ રોડ પર આવેલી કુસુમ વિદ્યાલયમાં સ્કૂલમાં સરકારી કચેરી તરફથી નક્કી કરવામાં આવેલા વિષયના આધારે ધોરણ ૫થી ૮ના વિદ્યાર્થીઓ માટે વક્તૃત્વ સ્પર્ધાનું આયોજન કરવામાં આવ્યું હતું.
જાેકે, આ મામલે સોશિયલ મીડિયા અને અન્ય માધ્યમોથી ચર્ચાઓ ઉઠતા સરકાર એક્શનમાં આવી છે. આ ઘટના સોમવારે બની હતી અને તેના બે દિવસ બાદ મીડિયામાં વિગતો આવતા જવાબદાર સામે પગલા ભરવામાં આવી રહ્યા છે. વલસાડની કુસુમ વિદ્યાલયમાં જિલ્લાકક્ષાની બાળપ્રતિભા સ્પર્ધા અંતર્ગત વક્તૃત્વ સ્પર્ધામાં ‘મારો આદર્શ નથુરામ ગોડસે’ વિષયને લઈને હોબાળો થયો છે.
આ સિવાય અન્ય બે વિષય ‘મને તો આકાશમાં ઉડતું પક્ષી જ ગમે’ અને ‘વૈજ્ઞાનિક બનીશ પણ અમેરિકા નહીં જાઉં’ પણ પસંદ કરવામાં આવ્યા હતા.
જાેકે, આ સ્પર્ધામાં ભાગ લેવાની અને પ્રથમ ઈનામ જીતનારી વિદ્યાર્થિનીએ ગોડસેને હીરો ચિતરવા બદલ પ્રથમ ઈનામ પ્રાપ્ત કર્યું હોવાનું સ્થાનિક મીડિયા રિપોર્ટ્સમાં જણાવવામાં આવી રહ્યું છે.
આ કાર્યક્રમ દરમિયાન વક્તૃત્વ સ્પર્ધાની સાથે-સાથે દોહા-છંદ-ચોપાઈ, લોકવાદ્ય સંગીત, લોકવાર્તા, નિબંધ-લેખન, એકપાત્રીય અભિનય, સમૂહગીત, લોકગીત, ભજન, લગ્નગીત સહિતની સ્પર્ધાનું આયોજન કરવામાં આવ્યું હતું. કહેવાય છે કે આ કાર્યક્રમમાં નિર્ણાયક તરીકે વલસાડ શહેરના નિપૂર્ણ અને નામી કલા અને સાહિત્ય સાથે સંકળાયેલા તજજ્ઞો ઉપસ્થિત રહ્યા હતા. હવે રાજ્યભરમાં આ પ્રકારના આયોજની નિંદા થતા અને હોબાળો થતા કાર્યવાહી શરુ કરવામાં આવી છે.SSS
