ટૂંક સમયમાં જ પુષ્પાઃ ધ રૂલનું બીજું શૂટિંગ શરૂ થવાનું છે

મુંબઇ, અલ્લુ અર્જુનની ફિલ્મ પુષ્પાએ બોક્સઓફિસ પર ધમાલ મચાવી હતી. માત્ર સાઉથમાં જ નહીં આખા દેશમાં ફિલ્મને ખૂબ સારો પ્રતિસાદ મળ્યો હતો. હવે ફિલ્મના મેકર્સ ટૂંક સમયમાં જ સિક્વલનું શૂટિંગ શરૂ કરવાના છે. મીડિયા રિપોર્ટ પ્રમાણે, ફિલ્મના મેકર્સ હવે સ્ક્રીપ્ટમાં કેટલાક ફેરફાર કરવા જઈ રહ્યા છે.

આ ચોક્કસ ફેરફાર હિન્દી દર્શકોને ધ્યાનમાં રાખીને કરવાના છે. જેની ખાસ અસર ઉત્તર ભારતીય દર્શક વર્ગ પર જાેવા મળશે. ફિલ્મના ડાયરેક્ટર સુકુમારે અગાઉ ફિલ્મને બે ભાગમાં બનવવાનો વિચાર નહોતો કર્યો. પરંતુ બાદમાં સ્ક્રીપ્ટમાં ફેરફાર કરીને ફિલ્મને ‘પુષ્પાઃ ધ રાઈઝ’ અને પુષ્પાઃ ધ રૂલ તરીકે ફિલ્મી પડદે ઉતારવાનો ર્નિણય લીધો હતો.

હવે ફિલ્મના બીજા ભાગ એટલે કે ‘પુષ્પાઃ ધ રૂલ’ની સ્ક્રીપ્ટમાં તેમણે કેટલાક ફેરફાર કરવાના શરૂ કરી દીધા છે. સુકુમારનું કહેવું છે કે, તેઓ ફિલ્મને એ રીતે રજૂ કરશે કે તે મોટા પ્રમાણમાં દર્શક વર્ગ પર છાપ છોડશે. પુષ્પા એક પ્રાદેશિક ફિલ્મ હતી પરંતુ રિલીઝ બાદ દર્શકોના એક મોટા વર્ગને પસંદ આવી હતી અને ફિલ્મને ખાસ્સી લોકપ્રિયતા સાંપડી હતી.

કમાણીની દ્રષ્ટિએ પણ આ ફિલ્મ બોક્સઓફિસ પર આગ લગાવી હતી. પહેલો ભાગ સુપરહિટ નીવડતા ફિલ્મના મેકર્સ બીજા ભાગની સ્ક્રીપ્ટમાં નાના ફેરફાર કરવા જઈ રહ્યા છે. આ તરફ પુષ્પા એટલે કે અલ્લુ અર્જુન અને તેની ટીમ ફિલ્મના બીજા ભાગ ‘પુષ્પાઃ ધ રૂલ’ના શૂટિંગ માટે તૈયાર છે.

મીડિયા રિપોર્ટ મુજબ, ફિલ્મના બીજા ભાગમાં અલ્લુ અર્જુન પુષ્પાના પાત્રની ઉજળી અને ચમકદમકવાળી બાજુ બતાવશે. ગરીબીમાંથી ઉઠીને આવેલો પુષ્પા લાલ ચંદનના સ્મગલિંગનો બેતાજ બાદશાહ બનશે. ફિલ્મમાં અલ્લુ અર્જુન ઉપરાંત રશ્મિકા મંદાના અને ફહાદ ફાસિલ જેવા દમદાર કલાકારો પણ જાેવા મળશે. આ સિવાય અન્ય કલાકારો પણ ફિલ્મના બીજા ભાગમાં દેખાશે.SSS