Soorarai Pottruની હિન્દી રિમેકમાં જોવા મળશે અક્ષય
મુંબઇ, બોલિવૂડમાં છેલ્લા કેટલાક સમયથી સાઉથની બ્લોકબસ્ટર ફિલ્મોની હિન્દી રિમેક બનાવવાનો ટ્રેન્ડ જાેવા મળી રહ્યો છે. સિંઘમથી લઈને કબીર સિંહ સુધી, ઘણી સાઉથ ફિલ્મો છે, જે હિન્દીમાં રિમેક કરવામાં આવી હતી અને દર્શકોએ તે ફિલ્મોને મોટા પડદા પર પસંદ કરી હતી.
જાે તમે પણ સાઉથની ફિલ્મોની હિન્દી રિમેક જાેવાનું પસંદ કરો છો, તો સમાચાર તમારા માટે છે. સાઉથ સુપરસ્ટાર સૂર્યા સ્ટારર ફિલ્મ સોરારઈ પટરૂ વિશે સમાચાર છે કે આ ફિલ્મની હિન્દી રિમેક બનવા જઈ રહી છે, જેમાં અક્ષય કુમાર મુખ્ય ભૂમિકામાં જાેવા મળશે. ફિલ્મ સૂરરાય પોત્રુ વર્ષ ૨૦૨૦માં રિલીઝ થઈ હતી, જેમાં સાઉથના સુપરસ્ટાર સુર્યા અને અપર્ણા બાલામુરલી મુખ્ય ભૂમિકામાં હતા.
અહેવાલ છે કે, હવે અક્ષય કુમાર તેની હિન્દી રિમેકમાં જાેવા મળશે. આ ફિલ્મનું નિર્દેશન સુધા કોંગારા કરશે. જાે કે અક્ષય કુમાર દ્વારા હજુ સુધી આ બાબતે કોઈ સત્તાવાર જાહેરાત કરવામાં આવી નથી. પરંતુ એવું કહેવામાં આવી રહ્યું છે કે, આ ફિલ્મમાં અક્ષય રાધિકા મદન સાથે રોમાન્સ કરતો જાેવા મળશે.
મિડ ડેના રિપોર્ટ અનુસાર, ફિલ્મનું પ્રી-પ્રોડક્શન વર્ક ચાલી રહ્યું છે. ફિલ્મના દિગ્દર્શક સુધા કોંગારાએ ફિલ્મને પશ્ચિમ ભારતમાં સેટ કરી છે. રાધિકા મદાન આ ફિલ્મમાં ગ્રામીણ મરાઠી મહિલાનું પાત્ર ભજવશે. આ માટે રાધિકાએ ફિલ્મના ફ્લોર પર જતા પહેલા કેટલીક મરાઠી શૈલીમાં બોલતા શીખવું પડશે.
આ મહિનામાં, ફિલ્મના નિર્માતાઓ કેટલીક વર્કશોપ યોજવાની તૈયારી કરી રહ્યા છે, જેથી ફિલ્મનું શૂટિંગ પણ ટૂંક સમયમાં શરૂ થશે. જાે આ રિપોર્ટ પર વિશ્વાસ કરવામાં આવે તો પહેલીવાર અક્ષય કુમાર અને રાધિકા મદનની જાેડી ફિલ્મમાં સાથે જાેવા મળશે. આ જાેડી લોકોને પસંદ આવે છે કે નહીં તે જાેવું રહ્યું.SSS
