હા, કરી રહ્યો છું પ્રચાર, શું કરી લેશો?: અમિતાભ

મુંબઇ, બોલિવૂડ અભિનેતા અભિષેક બચ્ચનની ફિલ્મ દસવી સાતમી એપ્રિલે ઓટીટી પ્લેટફોર્મ પર રીલિઝ થઈ ગઈ છે. તે પાછલા ઘણાં દિવસથી પોતાની ફિલ્મ પ્રમોટ કરી રહ્યો હતો.

અભિષેક બચ્ચનની સાથે સાથે તેના પિતા અને બોલિવૂડના મહાનાયક અમિતાભ બચ્ચન પણ ફિલ્મને પ્રમોટ કરી રહ્યા હતા. અમિતાભ બચ્ચને અલગ અલગ પ્રકારે દીકરાની ફિલ્મને પ્રમોટ કરી તો લોકોએ તેમને ટ્રોલ પણ કર્યા.

આ પહેલા પણ અમિતાભ બચ્ચને દીકરા અભિષેકની ફિલ્મ માટે પ્રચાર કર્યો છે. આ વખતે જ્યારે પ્રશ્ન કરવામાં આવ્યો તો અમિતાભ રોષે ભરાયા અને વળતો જવાબ પણ આપ્યો. અમિતાભ બચ્ચન અત્યારે દિલ્હીમાં છે અને પોતાના કામમાં વ્યસ્ત છે.

તેમણે કોઈ એક યુઝરને રિપ્લાય નથી કર્યો પરંતુ એક જનરલ ટિ્‌વટ કરીને લખ્યું કે, જી હા, હું કરુ છું પ્રચાર, શું કરી લેશો? અમિતાભ બચ્ચને ચોક્કસપણે કોઈનું નામ નથી લીધું અને આમ લખવા પાછળનો ખુલાસો પણ નથી કર્યો.

પરંતુ તેમણે પ્રચાર શબ્દનો ઉલ્લેખ કર્યો છે તેના પરથી દેખીતું છે કે તેમણે ટ્રોલર્સને જ જવાબ આપ્યો છે. ઉલ્લેખનીય છે કે અભિષેક બચ્ચનની ફિલ્મ દસવી નેટફ્લિક્સ અને જિયો સિનેમા પર રિલીઝ થઈ ગઈ છે.

આ ફિલ્મમાં તેણે ગંગા રામ ચૌધરી નામના અભણ અને ભ્રષ્ટ રાજનેતાનું પાત્ર ભજવ્યું છે. જેલમાં ગંગા રામ ચૌધરીને એક ચેલેન્જ મળે છે અને તે છે શિક્ષણ. ગંગા ગામ પરીક્ષા પાસ કરી શકશે કે કેમ તે આ ફિલ્મની સ્ટોરી છે.

આ સિવાય અભિષેકની હરિયાણવી ભાષાએ પણ ફેન્સનું ધ્યાન ખેંચ્યું છે. જ્યારે આ ફિલ્મનું ટ્રેલર રીલિઝ થયું ત્યારે પણ અમિતાભ બચ્ચને અભિષેકના વખાણ કર્યા હતા. તેમણે પિતા હરિવંશ રાય બચ્ચનની પંક્તિઓ લખી હતી જેનો સારાંશ એ છે કે- મારા દીકરા, દીકરા હોવાને કારણે તમે મારા ઉત્તરાધિકારી નહીં બનો.

જે મારા ઉત્તરાધિકારી હશે, તે મારા દીકરા હશે. તેમણે આગળ લખ્યું કે, અભિષેક, તમે મારા ઉત્તરાધિકારી છો, બસ કહી દીધું. પિતા અમિતાભ બચ્ચન તરફથી વખાણ સાંભળીને અભિષેકે કહ્યું કે, લવ યુ પાપા, હંમેશા.

આ ફિલ્મમાં અભિષેક બચ્ચનની સાથે નિમરત કૌર અને યામી ગૌતમ પણ છે. નિમરત કૌર બિમલા દેવીનું પાત્ર ભજવશે, જે અભિષેક જેલમાં ગયા પછી મુખ્યમંત્રીની ખુરશી સંભાળશે. યામી ગૌતમે જેલર અને આઈપીએસ ઓફિસર જ્યોતિ દેસવાલની ભૂમિકા ભજવી છે.SSS