ફરીથી પત્ની સાથે ફિલ્મ કરવા માગે છે અભિષેક

મુંબઈ, અભિષેક બચ્ચન અને ઐશ્વર્યા રાય બોલિવુડના એવા કપલ પૈકીના એક છે જેમની જાેડી રિયલ લાઈફમાં જેટલી વખણાય છે તેટલી જ લોકોને ઓનસ્ક્રીન પણ પસંદ છે. અભિષેક અને ઐશ્વર્યા છેલ્લે મણિરત્નમની ફિલ્મ ‘રાવણ’માં સાથે જાેવા મળ્યા હતા.

હવે તેઓ ફરી એકવાર તેઓ સાથે કામ કરવા તૈયાર છે કે કેમ તે અંગે અભિષેકે જવાબ આપ્યો છે. હાલમાં જ અભિષેકને આ અંગે સવાલ પૂછાયો હતો ત્યારે તેણે પત્ની ઐશ્વર્યાના વખાણ કરતાં ફરીથી તેની સાથે કામ કરવાની ઈચ્છા દર્શાવી હતી.

એક ઈન્ટરવ્યૂમાં અભિષેકે જણાવ્યું હતું કે, ઐશ્વર્યા ખૂબ સારી એક્ટ્રેસ છે અને એક્ટર તરીકે અભિષેકને તેના માટે ખૂબ માન છે. ઐશ્વર્યા સાથેની સેટ પરની યાદો વાગોળતાં અભિષેકે કહ્યું કે, તેની સાથે કામ કરવા અંગેની દરેક બાબત તેને પસંદ છે. સાથે જ તેણે પત્નીને અદ્ભૂત એક્ટ્રેસ ગણાવી હતી.

ઐશ્વર્યા સાથે ફરી કામ કરશે કે કેમ? તે પ્રશ્નનો જવાબ આપતાં અભિષેકે ઈન્ડિયન એક્સપ્રેસને જણાવ્યું, “યોગ્ય સમયે સારી સ્ક્રીપ્ટ મળશે તો ચોક્કસ કરીશું. આ ઈચ્છા પૂરી ના થાય ત્યાં સુધી અમે સાથે કામ નહીં કરીએ. જાેકે, અમે બંને એકબીજા સાથે ફરી કામ કરવા ઉત્સુક છીએ.

રસપ્રદ વાત એ છે કે, ઐશ્વર્યા રાય ફિલ્મ ‘ઔર પ્યાર હો ગયા’નું સ્વિત્ઝરલેન્ડમાં શૂટિંગ કરી રહી હતી ત્યારે અભિષેક સાથે તેની પહેલી મુલાકાત થઈ હતી. આ અંગે વાત કરતાં અભિષેકે એક ટૉક શોમાં કહ્યું હતું, “મારો વહાલો મિત્ર બોબી દેઓલ તેની પહેલી ફિલ્મ ‘ઔર પ્યાર હો ગયા’નું શૂટિંગ કરી રહ્યો હતો.

હું પણ એ જ લોકેશન પર હતો માટે તેને મળવા ગયો હતો. ત્યારે તેણે મને ડિનર માટે આમંત્રણ આપ્યું હતું. એ ફિલ્મ ઐશ્વર્યાની પણ પહેલી હિન્દી ફિલ્મ હતી. એ વખતે મેં પહેલીવાર તેની સાથે વાત કરી હતી.

પ્રેમમાં પડ્યા બાદ અભિષેક અને ઐશ્વર્યાએ ૨૦ એપ્રિલ ૨૦૦૭ના રોજ લગ્ન કર્યા હતા. તેમની દીકરી આરાધ્યાનો જન્મ ૨૦૧૧માં થયો. વર્કફ્રંટની વાત કરીએ તો, અભિષેક અને ઐશ્વર્યાએ ‘ગુરુ’, ‘ઉમરાવ જાન’, ‘ધૂમ ૨’, ‘કુછ ના કહો’, ‘બંટી ઔર બબલી’ સહિતની કેટલીય ફિલ્મોમાં સાથે કામ કર્યું છે.SSS