બાઈક સ્લીપ ખાતા બે વ્યક્તિના મોત નિપજ્યા
![](https://westerntimesnews.in/wp-content/uploads/2022/05/bike-accident-1024x568.jpg)
પ્રતિકાત્મક
પાટણ, પાટણ જિલ્લાના હાઈવે માર્ગો પર અવારનવાર નાના-મોટા માર્ગ અકસ્માતના બનાવો સર્જાતા રહ્યા છે.
આવા માર્ગ અકસ્માતના બનાવમાં અનેક નિર્દોષ માનવ જિંદગી મોતના મુખમાં ધકેલાઈ રહી છે. ત્યારે આવો જ એક માર્ગ અકસ્માતનો બનાવ પાટણ જિલ્લાના રાધનપુરના મહેમદાવાદ અને ભિલોટ વચ્ચેથી આવ્યો છે.
માગૅ પરથી પસાર થતાં બાઈક સવારનું બાઈક સ્લીપ ખાતા બે વ્યક્તિના મોત થયા છે. અકસ્માતની દુર્ઘટના બાદ ઘટના સ્થળે પહોંચેલા પરિવારના હૈયાફાટ રૂદનથી માહોલમાં ગમગીની છવાઇ હતી.
બનાવની મળતી હકીકત મુજબ પાટણ જિલ્લાના રાધનપુરનાં મહેમદાવાદ -ભિલોટ માગૅ બનાસકાંઠાથી ભિલોટ લગન પ્રસંગમાં બાઈક લઈ જઈ રહેલા બે યુવકોનું બાઈક સ્લીપ ખાતા ગંભીર રીતે ઇજાગ્રસ્ત બનતા બન્ને મોત નિપજતાં અરેરાટી વ્યાપી જવા પામી હતી.
અકસ્માતનાં પગલે ધટના સ્થળે લોકોનાં ટોળા ઉમટી પડ્યા હતા. બન્ને મૃતકોની લાશને ૧૦૮ દ્વારા પીએમ અર્થે રાધનપુર હોસ્પિટલમાં ખસેડવામાં આવ્યા હતા. આ અંગે પોલીસે વધુ તપાસ હાથ ધરી છે.ss3kp