જીતૂ ભૈયાની ફિલ્મ જાદુગરનું ટ્રેલર રીલિઝ થયું

મુંબઈ, અભિનેતા જીતેન્દ્ર કુમારને ઓટીટીના કિંગ કહેવામાં આવે તો નવાઈ નથી. સુપરહિટ સીરિઝ પંચાયત પછી હવે જીતેન્દ્ર કુમારની અપકમિંગ ફિલ્મ જાદુગરનું ટ્રેલર રીલિઝ થયું છે. સ્પોર્ટ્‌સ કોમેડી-ડ્રામા ફિલ્મ જાદુગર ઓટીટી પ્લેટફોર્મ નેટફ્લિક્સ પર રીલિઝ થવાની છે.

આ ફિલ્મમાં જિતેન્દ્ર કુમાર લીડ રોલમાં છે. ટ્રેલરમાં દર્શાવવામાં આવ્યું છે કે જીતેન્દ્ર કુમાર એક જાદુગર છે પરંતુ તે સાથે એક પ્રેમી પણ છે. પોતાની પ્રેમિકાને ખુશ કરવા માટે તેણે ફૂટબોલના મેદાનમાં ઉતરવુ પડે છે. ફિલ્મમાં જીતેન્દ્ર કુમારની પ્રેમિકાનો રોલ આરુષિ શર્માએ કર્યો છે જ્યારે ફૂટબોલ કોચનો રોલ જાવેદ જાફરીએ કર્યો છે. ટ્રેલરની શરુઆતમાં જીતેન્દ્ર કુમાર પોતાની ઓળખ મીનુ તરીકે આપે છે.

મીનુ પાર્ટ ટાઈમ પ્રેમી છે અને ફુલ ટાઈમ જાદુગર છે. મીનુ નીમચ શહેરમા છે જ્યાં લોકો ફૂટબોલની પાછળ પાગલ છે. તે એક ફૂટબોલ ટીમનો સભ્ય પણ છે પરંતુ તેની આ ક્ષેત્રમાં કોઈ આવડત નથી. ટીમના બાકીના સભ્યો પણ ઘણાં કાચા છે. તેમની ટીમના કોચ(જાવેદ જાફરી) ટીમને પ્રોત્સાહિત કરવા માટે ખૂબ પ્રયત્નો કરે છે.

તે ઈચ્છે કે તેમની ટીમ ઈન્ટર-કોલોની ટૂર્નામેન્ટ જીતી જાય. મીનુ પોતાના કોચની વિનંતીની અવગણના કરે છે અને જાદુ પર ધ્યાન કેન્દ્રિત કરે છે. મીનુ જ્યારે આંખોની તપાસ કરાવવા માટે જાય છે ત્યારે તેની મુલાકાત આરુષિ શર્માના પાત્ર સાથે થાય છે અને તેને પ્રેમ થઈ જાય છે. મીનુ તેને પ્રપોઝ કરે છે, પરંતુ જાે લગ્ન માટેની શરત એ હોય છે કે કોલોનીની ફૂટબોલ ટીમને ફાઈનલ સુધી પહોંચાડવી પડશે.

પોતાના પ્રેમને મેળવવા માટે તે ટીમમાં ફરીથી સ્થાન મેળવવા માટે પ્રયત્ન કરે છે અને ફૂટબોલ શીખવા માટે પણ ખૂબ મહેનત કરે છે. આ ફિલ્મના ડિરેક્ટર સમીર સક્સેના છે અને ફિલ્મને બિસ્વાપતિ સરકારે લખી છે. ફિલ્મ નેટફ્લિક્સ પર રીલિઝ થવાની છે. ૧૫મી જુલાઈથી તે ઓટીટી પર સ્ટ્રીમ થશે. ફિલ્મને પોશમ પા પિક્ચર્સ અને ચોકબોર્ડ એન્ટરટેઈનમેન્ટ દ્વારા પ્રોડ્યુસ કરવામાં આવી છે.SS1MS