રાજ અનડકતનો મ્યૂઝિક વીડિયો ટૂંકમાં રિલીઝ થશે

મુંબઈ, સીરિયલ તારક મહેતા કા ઉલ્ટા ચશ્મામાં ટપ્પુના રોલમાં જાેવા મળતો એક્ટર રાજ અનડકત હવે મ્યૂઝિક વિડીયોમાં જાેવા મળશે. રાજ અનડકત રામજી ગુલાટીએ પ્રોડ્યુસ કરેલા ગીત દ્વારા મ્યૂઝિક આલ્બમ ડેબ્યૂ કરશે. રાજ આ આલ્બમ માટે ખૂબ ઉત્સાહિત છે અને તેનું કહેવું છે કે તે હંમેશાથી મ્યૂઝિક વિડીયોમાં કામ કરવા માગતો હતો.

“મ્યૂઝિક વિડીયોમાં કામ કરવું હંમેશાથી મારા કરિયર ચેકલિસ્ટમાં હતું. આજના ડિજિટલ યુગમાં મ્યૂઝિક આંગળીના વેઢે છે. હું આ ગીતમાં દેખાવા માટે ખૂબ ઉત્સુક છું. હું મારી જાતને કોઈપણ કામ સુધી મર્યાદિત નથી રાખવા માગતો”, તેમ રાજે જણાવ્યું. છેલ્લા થોડા દિવસોથી ‘તારક મહેતા કા ઉલ્ટા ચશ્મા’માંથી ગાયબ રાજ ઓટીટી પ્લેટફોર્મ પર કામ કરવા માગે છે, મ્યૂઝિક વિડીયો કરવા માગે છે અને પોતાનું નસીબ બોલિવુડમાં અજમાવવા માગે છે. એટલું જ નહીં તેને પેન-ઈન્ડિયા ફિલ્મ્સમાં પણ કામ કરવું છે.

પોતાના આગામી ગીત વિશે વાત કરતાં રાજે કહ્યું, આ મારો પહેલો મ્યૂઝિક વિડીયો છે. હું લાંબા સમયથી મ્યૂઝિક વિડીયોમાં કામ કરવાની ઈચ્છા રાખતો હતો ત્યારે આને પૂરી કરવા માટે રામજી ગુલાટીથી સારું કોણ હોઈ શકે? મારું ઈન્સ્ટાગ્રામ અકાઉન્ટ તેમના મ્યૂઝિક વિડીયોથી ઊભરાય છે. તેઓ સુંદર ગીતો બનાવે છે. હું ઉત્સાહિત છું અને તેમની સાથે જાેડાઈને રોમાંચ અનુભવી રહ્યો છું.

ગત વર્ષે અફવા ઉડી હતી કે, રાજ અનડકતે તારક મહેતા કા ઉલ્ટા ચશ્મા’ શો છોડી દીધો છે. જાેકે, રાજ હજી પણ આ સીરિયલનો ભાગ છે. ગત વર્ષે બોમ્બે ટાઈમ્સને સૂત્રો પાસેથી જાણવા મળ્યું હતું કે, “થોડા મહિના પહેલા એક વિડીયોના લીધે વિવાદ ઊભો થયા બાદ મુનમુન દત્તા શો છોડી દેશે તેવી અટકળો લગાવાઈ હતી.

પરંતુ તે હજી પણ શોમાં છે. આ ઘટનાના થોડા દિવસ પછી રાજ અનડકત અને મુનમુન વચ્ચે કંઈક રંધાતું હોવાની અફવા ઉડી હતી. જેના કારણે રાજે શો છોડવાનું મન બનાવ્યું હતું. જાેકે, તેણે પ્રોડક્શન હાઉસ સુધી પોતાના વિચારો પહોંચાડ્યા હતા અને તેમણે સમસ્યાનું સમાધાન કર્યું હતું.

એ માત્ર એક તબક્કો હતો જે વીતી ગયો. રાજના પાત્ર ટપ્પુને દર્શકોનો ખૂબ પ્રેમ મળ્યો છે એટલે તેના માટે પણ શો છોડી દેવો નાનીસૂની વાત નથી. તેને શોના મેકર્સ સાથે અન્ય કોઈ વાંધા હશે તો તેનો પણ ઉકેલ આવી જશે. સીરિયલ શરૂ થઈ ત્યારે ટપ્પુના રોલમાં એક્ટર ભવ્ય ગાંધી જાેવા મળતો હતો. તેણે શો છોડ્યા પછી ૨૦૧૭માં રાજ નવા ટપ્પુ તરીકે સીરિયલ સાથે જાેડાયો હતો. જેઠાલાલ અને દયાના દીકરા ટપ્પુ તરીકે રાજ દર્શકોને પસંદ પણ આવ્યો.SS1MS