ફિલ્મ “થેન્ક ગોડ” ના પ્રમોશન માટે રકુલપ્રીત અને સિધ્ધાર્થ અમદાવાદમાં
સિદ્ધાર્થ મલ્હોત્રા અને રકુલ પ્રીત સિંહે મંગળવારે, 25મી ઑક્ટોબરે રિલીઝ થનારી તેમની આગામી ફિલ્મ “થેન્ક ગોડ” ને પ્રમોટ કરવા TRP બોપલ અમદાવાદ ખાતે નવા ખુલેલા સિગ્નેચર લક્ઝરી MuktaA2 સિનેમાની મુલાકાત લીધી
“થેન્ક ગોડ” એક કાલ્પનિક કોમેડી ફિલ્મ છે, જેમાં અજય દેવગણે પણ અભિનય કર્યો છે. આ ફિલ્મ દિવાળીના એક દિવસ પછી રિલીઝ થવાની છે. ગુરુવારે, સિદ્ધાર્થ મલ્હોત્રા અને રકુલ પ્રીત સિંહે તેમની ફિલ્મ થેંક ગોડનો પ્રચાર માટે બોપલના ધ રિટેલ પાર્ક ખાતે તાજેતરમાં શરૂ થયેલા સિગ્નેચર લક્ઝરી Mukta A2 સિનેમા 6-સ્ક્રીન મલ્ટિપ્લેક્સની મુલાકાત લીધી હતી.
પોતાના મનપસંદ સ્ટાર્સની એક ઝલક જોવા માટે મોટી સંખ્યામાં ચાહકો અને ફિલ્મ પ્રેમીઓ અહીં હાજર રહ્યા હતા અને તેમણે સ્ટાર્સનું ભવ્ય સ્વાગત કર્યું હતું. આ અભિનેતાઓ તેમના ચાહકો સાથે થોડો સમય પસાર કરીને ખુશ હતા અને તેમની સાથે સેલ્ફી અને ફોટો લેવા માટે તેમને અલગ-અલગ અંદાજમાં પોઝ આપ્યો હતો.
અજય દેવગણ આ કાલ્પનિક કોમેડી ફિલ્મમાં ચિત્રગુપ્તનું પાત્ર ભજવે છે, જે માર્ગ અકસ્માતમાં મૃત્યુ પામેલા સિદ્ધાર્થ મલ્હોત્રાના પાત્રને પાઠ ભણાવવાનો પ્રયાસ કરે છે. સિદ્ધાર્થ મલ્હોત્રાના પાત્રને ‘ગેમ ઓફ લાઈફ’ દ્વારા એ શરત સાથે રજૂ કરવામાં આવે છે કે જો તે જીતશે તો તેને પૃથ્વી પર પાછો મોકલવામાં આવશે અને જો તે હારશે તો નરકમાં મોકલવામાં આવશે. બહુ અપેક્ષિત આ ફિલ્મ હાસ્ય અને મનોરંજનથી ભરપૂર હોવાની અપેક્ષા છે.
ધ રિટેલ પાર્ક, બોપલ ખાતેના Mukta A2 સિનેમા મલ્ટિપ્લેક્સમાં 547 જેટલા મહેમાનોને રિક્લિનર્સ અને સોફા સાથે વૈભવી બેઠકમાં સમાવવાની ક્ષમતા છે. તે હાર્કનેસ 3D સ્ક્રીન, 2K લેસર પ્રોજેક્ટર અને સરાઉન્ડ સાઉન્ડથી પણ સુસજ્જ છે, જે પ્રેક્ષકોને શ્રેષ્ઠ અને ઇમર્સિવ મૂવી અનુભવ આપશે.
