કઈ ગંભીર બીમારીનો સામનો કરી રહી છે ફાતિમા સના શેખ
![](https://westerntimesnews.in/wp-content/uploads/2022/11/Fatima.jpg)
મુંબઈ, બોલિવૂડ એક્ટ્રેસ ફાતિમા સના શેખે હાલમાં જ સોશિયલ મીડિયામાં પોતાના જીવનની અજાણી વાત શેર કરી હતી. ફાતિમાએ કહ્યું હતું કે તેને વાઈ જેવી બીમારી છે. ફાતિમા સના શેખે એક ઈન્ટરવ્યુમાં જણાવ્યું કે તે શરૂઆતમાં આ બીમારીથી ડરતી હતી. તેને એવું હતું કે ક્યાંક તેને કામ મળતું બંધ થઈ જાય નહીં.
ફાતિમા સના શેખે આ વિશે વાત કરતા જણાવ્યું કે, એકવખત હું ટ્રાવેલિંગ કરી રહી હતી ત્યારે ફ્લાઈટમાં મને અચાનક વાઈની બીમારી નડી. જ્યાં તાત્કાલિક મેડિકલ સુવિધા આપવામાં આવી અને પછી તેને હોસ્પિટલમાં દાખલ કરાઈ હતી. વાઈની આ બીમારીના કારણે ફાતિમા સના શેખ હવે ક્યારેય એકલી ટ્રાવેલિંગ કરતી નથી અને હંમેશાં તેની સાથે કોઈને કોઈ રહે છે.
મળતી માહિતી મુજબ, ફાતિમાએ કહ્યું હતું કે તેને વાઈની બીમારી છે. એક્ટ્રેસે કહ્યું હતું કે તે કસરત તથા મેડિસિનની મદદથી આ બીમારીનો ઉકેલ લાવવાનો પ્રયાસ કરે છે. જાેકે, ફાતિમાને આ બીમારીના કારણે પ્રોફેશનલ કામમાં કોઈ અડચણ આવી નથી.
એવું પણ કહ્યું હતું કે, ‘આ બીમારીએ મને વધુમાં વધુ કામ કરવાની પ્રેરણા આપી છે, કારણકે તેથી મને આગળ વધવાનું મોટિવેશન મળે છે. મારા કામ પર આ બીમારીથી કોઈ ફેર પડ્યો નથી.’ જાેકે, શરૂઆતમાં તેને આ વાત સ્વીકારતા ખાસ્સો સમય લાગ્યો હતો, પરંતુ ધીમે ધીમે તે આ બીમારી સાથે જીવતા શીખી ગઈ હતી. હવે તે કસરત અને મેડિસિનની મદદથી આ બીમારીમાંથી સાજા થવાનો પ્રયાસ કરે છે.
ફાતિમા સના શેખના પ્રોજેક્ટ્સની વાત કરીએ તો તે છેલ્લે ‘થાર’માં અનિલ કપૂર તથા હર્ષવર્ધન કપૂર સાથે જાેવા મળી હતી. તે હવે ‘ધક ધક’ ફિલ્મમાં કામ કરી રહી છે. આ ઉપરાંત ‘સામ બહાદુર’માં પણ જાેવા મળશે. ફાતિમા સના શેખે કહ્યું હતું કે તેને જ્યારે આ બીમારી હોવાનું નિદાન થયું હતું. ત્યારે તે સેટ પર બેભાન થઈ ગઈ હતી અને જ્યારે આંખ ખુલી ત્યારે તે હોસ્પિટલમાં હતી.
ત્યારબાદ તેણે એવું પણ કહ્યું હતું કે જાે વાઈના હુમલા આવતા રહે છે તો તમે ડૉક્ટરની મદદ પણ લઈ શકો છો. ફાતિમાએ વાઈની બીમારીની દવા વિશે ચોખ્ખી ના પાડી દીધી હતી. તેણે રેગ્યુલર કસરત કરવા પણ જણાવ્યું છે.SS1MS