પુષ્પા ફેમ શ્રીવલ્લી ઘરની નોકરાણીને પણ લાગે છે પગે

મુંબઈ, સાઉથની સુપર ડુપર હીટ ફિલ્મ પુષ્પાએ થિયેટરોને ગજવ્યા હતા. ફિલ્મને એક્શનથી લઈને ગીતો લોકોને ખુબ વખાણ્યા હતા. પુષ્પા થિયેટરોમાં હીટ થયા બાદ ફિલ્મના એક્ટરોના ખુબ વખાણ કરવામાં આવ્યા હતા. ફિલ્મની એક્ટ્રેસ રશ્મિકા મંદાના પુષ્પા ફિલ્મ બાદ ખુબ ચાહના મેળવી છે. ત્યારે રશ્મિકા મંદાના એક એવા પરિવારમાંથી આવે છે, જ્યાં માનવીય મૂલ્યોનુ ખુબ જતન થાય છે.

રશ્મિકા મંદાનાએ જણાવ્યુ હતુ કે, તે જ્યારે તેના પરિવારને મળવા જાય છે ત્યારે તે ઘરના દરેક સભ્યોને પગે લાગે છે. રશ્મિકાએ જણાવ્યુ કે, હું ઘરે જઈને અમારા ઘરમાં કામ કરતી નોકરાણીને પગે લાગુ છું. રશ્મિકા સુમન અને મદન મંદાનાની દીકરી છે. રશ્મિકાએ ૨૦૧૬માં kirik party ફિલ્મથી ફિલ્મ જગતમાં ડેબ્યૂ કર્યુ હતુ. રશ્મિકા મંદાનાએ અલ્લુ અર્જૂનની ફિલ્મ પુષ્પા અને સીતા રામામ અને ગુડબાય ફિલ્મમાં સારુ એવુ કામ કર્યુ છે. રશ્મિકાની પોપ્યુલારિટી પુષ્પા ફિલ્મ બાદ ખૂબ વધી છે.

ખાસ કરીને ફિલ્મના સોંગ શ્રીવલ્લીને લોકોએ ખુબ પસંદ કર્યુ હતુ. રશ્મિકાએ એક લેટેસ્ટ ઈન્ટરવ્યૂમાં એ વાત કરીને લોકોને આશ્ચર્યમાં મુકી દીધા હતા કે, તે જ્યારે ઘરે જાય છે ત્યારે તે ઘરમાં કામ કરનારા હેલ્પરને પણ પગે લાગે છે. ભેદ રાખતી નથી.

રશ્મિકાએ ‘બાઝાર ઈન્ડિયા’ સાથેની વાતચીતમાં જણાવ્યુ હતુ કે, ‘મારા માટે નાનામાં નાની વસ્તુ મહત્વની છે, હું ઉઠીને મારા પાલતુ શ્વાન સાથે સમય પસાર કરુ છું અને મિત્રોને મળુ છું. આ દરેક વસ્તુ મને ખુશ કરે છે. આ કારણે જ મને કોઈ કોઈ વસ્તુ કહે છે, ત્યારે તે મારા જીવનની મહત્વની વસ્તુ છે. હું નાનામાં નાની વસ્તુ મારી ડાયરી નોંધુ છે.

જ્યારે હું ઘરે હોઉ છું, ત્યારે મારી આદત અનુસાર, હું ઘરના તમામ લોકોને પગે લાગુ છું, કારણ કે હું તેમનું સન્માન કરું છું. હું ઘરની નોકરાણીને પણ પગે લાગુ છું કારણ કે, હું કોઈ માણસોમાં ભેદ કરતી નથી, હું દરેક લોકોની રિસ્પેક્ટ કરું છું. આ વાતચીતમાં રશ્મિકાને પૂછવામાં આવ્યું કે, તમારા માતા-પિતા તમારા પર ગર્વ કરતા હશે? તો રશ્મિકાએ જવાબ આપ્યો હતો કે,એવુ નથી કે, મારો પરિવાર ફિલ્મ ઈન્ડસ્ટ્રીથી ડિસ્કનેક્ટેડ છે અને તેમને ખબરથી નથી કે તેમની દીકરી શું કરી રહી છે.

જ્યારે મને કોઈ અવોર્ડ મળે છે ત્યારે તેઓ ખુશ થાય છે. રશ્મિકાએ કહ્યુ હતુ કે, તેના માતા-પિતાએ તમામ વસ્તુ તેને આપી હતી જે તેને માગી હતી. હવે માતા-પિતાનું ધ્યાન રાખવાનો વખત મારો છે.SS1MS