રવીના ટંડનની દીકરીને ભીડે ધક્કો મારતા ગુસ્સે થઈ

મુંબઈ, તાજેતરમાં બોલિવૂડ અભિનેત્રી રવીના ટંડનને પદ્મશ્રી એવોર્ડથી સન્માનિત કરવામાં આવી છે. જ્યાં તે પુત્રી રશા અને પુત્ર સાથે પહોંચી હતી. હવે તે દિલ્હીથી મુંબઈ પરત ફરી છે. રવીના ટંડન મુંબઈ એરપોર્ટ પર એવોર્ડ સાથે જાેવા મળી હતી.

આ દરમિયાન તેના બાળકો પણ જાેવા મળ્યા હતા. રવીનાને જાેતાં જ કેટલાંક ફેન્સ સેલ્ફી લેવા આવી ગયા હતા. ભીડે તેની દીકરી રશાને ધક્કો માર્યો હતો, જે જાેતાં એક્ટ્રેસ ગુસ્સે થઈ ગઈ હતી. રવીના ટંડનને જાેઈને ચાહકોની ભીડ ચારેય તરફ એકઠી થઈ ગઈ હતી.

કેટલાકે અભિનેત્રી સાથે ફોટો ક્લિક કરાવ્યા હતા. જ્યારે તેના બાળકો પરેશાન થયા ત્યારે તે ગુસ્સે થઈ ગઈ હતી. તેણે સ્પષ્ટ કહ્યું હતું કે બાળકોને ધક્કો મારશો નહીં. રશા દેખાવમાં એકદમ રવીના ટંડનની કોપી છે. રશાના ફોટોગ્રાફ્સ જાેતાં યંગ રવીના ટંડન યાદ આવી જશે! રવીના ટંડનની દીકરી રશાએ માર્શલ આર્ટ્‌સના ફોર્મ તાઈક્વાંડોમાં બ્લેક બેલ્ટ મેળવ્યો છે.

રવીના ટંડને એક પોસ્ટ કરતા કહ્યું હતું કે- ‘મારી દીકરી બ્લેકબેલ્ટ.’ રશા થડાની તારા પર ગર્વ છે. તે માર્શલ આર્ટની સાથે-સાથે બોક્સિંગની પણ ટ્રેનિંગ લઈ રહી છે. રવીના ટંડને વર્ષ ૨૦૦૪માં ફિલ્મ ડિસ્ટ્રીબ્યુટર અનિલ થડાની સાથે લગ્ન કર્યા અને જુલાઈ ૨૦૦૫માં દીકરી રશાનો જન્મ થયો. આ સિવાય તેમનો એક દીકરો પણ છે કે જેનું નામ રણવીરવર્ધન છે. આ સિવાય રવીના ટંડને ૨ દીકરીઓને દત્તક લીધી છે.

લગ્ન પહેલા ૧૯૯૫માં રવીના ટંડને દીકરીઓ પૂજા અને છાયાને દત્તક લીધી હતી. બોલિવૂડ એક્ટ્રેસ રવીના ટંડને હિન્દી ફિલ્મ ઈન્ડસ્ટ્રીમાં ત્રણ દશકથી વધુ સમય સુધી કામ કર્યું છે, જ્યારે ૧૦૦થી વધુ ફિલ્મોમાં તેણે અભિનય કર્યો છે, જેમાં મોહરા, દિલવાલે અને અંદાજ અપના અપના જેવી સફળ ફિલ્મોમાં રવીના ટંડને યાદગાર રોલ નિભાવ્યો છે.

ત્યારે રવીના ટંડન હાલ ખૂબ ખુશ છે કારણ કે, ભારત સરકાર દ્વારા રવીના ટંડનને પદ્મશ્રીથી સન્માનિત કરવામાં આવ્યા છે. રવીના ટંડનને દેશના રાષ્ટ્રપતિ દ્રૌપદી મુર્મૂના હસ્તે પદ્મશ્રી નું સન્માન મળ્યુ છે.SS1MS