પ્રજાસત્તાક દિવસ પર ભારત આવી ગદગદ થયા ફ્રાન્સના રાષ્ટ્રપતિ
નવી દિલ્હી, પ્રજાસત્તાક દિવસ ૨૦૨૪ના અવસર પર, ફ્રાન્સના રાષ્ટ્રપતિ ઈમેન્યુઅલ મેક્રોન મુખ્ય અતિથિ તરીકે કાર્યક્રમમાં ભાગ લીધો હતો. આ પ્રસંગે તેમણે ભારતનો આભાર માન્યો હતો અને કહ્યું હતું કે આ ફ્રાન્સ માટે ખૂબ જ સન્માનની વાત છે.
આ પહેલા તેઓ કર્તવ્યપથ પર આ ભવ્ય ઘટનાના સાક્ષી બન્યા હતા. પરેડ પછી, તેણે સોશિયલ મીડિયા પ્લેટફોર્મ X પર કહ્યું, “આ ફ્રાન્સ માટે ખૂબ જ સન્માનની વાત છે. આભાર ભારત.”
ગણતંત્ર દિવસની પરેડમાં ભાગ લેવા માટે ફ્રાન્સની મા‹ચગ ટીમ અને બેન્ડ ગ્રૂપ પણ ઈમેન્યુઅલ મેક્રોન સાથે આવ્યા હતા. આ ઈવેન્ટમાં ભાગ લેવા માટે ફ્રાન્સના કોઈ નેતા ભારત આવ્યા હોય તેવો આ છઠ્ઠો પ્રસંગ હતો.આ પહેલા તેઓ ભારતની મુલાકાતના પહેલા દિવસે જયપુરમાં રોકાયા હતા. આ પછી, બીજા દિવસે, તેમણે વડાપ્રધાન નરેન્દ્ર મોદી સાથે પ્રજાસત્તાક દિવસની પરેડ અને ઝાંખી જોઈ.
આ સિવાય યુનાઇટેડ કિંગડમના રાજા ચાર્લ્સ ત્રીજાએ રાષ્ટ્રપતિ દ્રૌપદી મુર્મુને પ્રજાસત્તાક દિવસના અવસર પર અભિનંદન પાઠવતો પત્ર લખ્યો હતો. તેમણે કહ્યું, તમારા રાષ્ટ્રીય દિવસના વિશેષ અવસર પર, હું અને મારી પત્ની તમારા મહામહિમ અને ભારતીય પ્રજાસત્તાકના લોકોને હાર્દિક અભિનંદન પાઠવીએ છીએ.”
તેમણે આગળ લખ્યું, “હું આપણા દેશો વચ્ચે રહેલા ગાઢ સંબંધોની કદર કરું છું અને મને વિશ્વાસ છે કે કોમનવેલ્થની આ ખૂબ જ ખાસ ૭૫મી વર્ષગાંઠના વર્ષમાં અમારા સંબંધો વધુ વિકાસ પામતા રહેશે, જે મૂલ્યો અને આકાંક્ષાઓની યાદ અપાવે છે જે આપણને એક કરે છે.
આ સિવાય કિંગ ચાર્લ્સે કહ્યું, હું તમને ગયા વર્ષે ય્૨૦ ના સફળ અધ્યક્ષતા માટે પણ અભિનંદન આપું છું અને આશા રાખું છું કે આપણા દેશો વિશ્વના સૌથી ગંભીર વૈશ્વિક પડકારોનો સામનો કરવા સાથે મળીને કામ કરવાનું ચાલુ રાખશે. હું વર્ષના અંતમાં સમોઓમાં તમામ કોમનવેલ્થ સભ્યોના એકસાથે આવવાની રાહ જોઉં છું. હું અને મારી પત્ની તમને અને ભારતના લોકોને આવતા વર્ષ માટે શુભકામનાઓ પાઠવવા આ તકનો લાભ લેવા માંગીએ છીએ.SS1MS
