ઈન્ડિયા ગેટ આઉટર સર્કલ પર આઈસ્ક્રીમ વિક્રેતાની ચાકુ મારી હત્યા

નવી દિલ્હી, પોલીસના જણાવ્યા અનુસાર, મૃતકની ઓળખ પ્રભાત (૨૩) તરીકે થઈ છે, જે દિલ્હીના હમદર્દ નગરનો રહેવાસી છે. પ્રાથમિક તપાસમાં બહાર આવ્યું છે કે પ્રભાત આઈસ્ક્રીમ વેચતો હતો ત્યારે એક વ્યક્તિ તેની પાસે આવ્યો હતો અને આઈસ્ક્રીમના પૈસા આપવા બાબતે ઝઘડો થયો હતો.

રાષ્ટ્રીય રાજધાની દિલ્હીમાં ઈન્ડિયા ગેટના આઉટર સર્કલ પર આઈસ્ક્રીમ વિક્રેતાની ચાકુ મારીને હત્યા કરવામાં આવી હતી. પોલીસને સાંજે ૮.૩૦ કલાકે આ ઘટનાની માહિતી મળી હતી. આ પછી પોલીસ ઘટનાસ્થળે પહોંચી અને ઘાયલને હોસ્પિટલમાં લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો.

પોલીસના જણાવ્યા અનુસાર, મૃતકની ઓળખ પ્રભાત (૨૩) તરીકે થઈ છે, જે દિલ્હીના હમદર્દ નગરનો રહેવાસી છે. પ્રાથમિક તપાસમાં જાણવા મળ્યું હતું કે પ્રભાત આઈસ્ક્રીમ વેચતો હતો ત્યારે એક વ્યક્તિ તેની પાસે આવ્યો હતો અને આઈસ્ક્રીમના પૈસા આપવા બાબતે ઝઘડો થયો હતો.

આ પછી આઈસ્ક્રીમ ખરીદવા આવેલા વ્યક્તિએ તેને માર માર્યો હતો અને સ્થળ પરથી ફરાર થઈ ગયો હતો.દિલ્હી પોલીસે જણાવ્યું કે આરોપીની ઓળખ કરવામાં આવી રહી છે અને સીસીટીવીની મદદથી તેના કડીઓ શોધવાના પ્રયાસો ચાલુ છે.SS1MS